[ad_1]
नवी दिल्ली :Pan Card Rule: आधार कार्ड, पॅन कार्ड, रेशन कार्ड, पासपोर्ड, मतदान ओळखपत्रासारखी महत्त्वाची सरकारी कागदपत्रं प्रत्येक भारतीय व्यक्तीकडे असणे गरजेचे आहे. वेगवेगळ्या योजनांचा लाभ घेण्यापासून ते बँकेत खाते उघडण्यासाठी या कागदपत्रांचा वापर होतो. असेच एक महत्त्वाचे कागदपत्रं पॅन कार्ड आहे. प्रामुख्याने आर्थिक व्यवहारासाठी पॅन कार्डचा वापर केला जातो. सोबतच, बँकेत खाते उडण्यासाठी, कर्ज घेण्यासाठी, क्रेडिट कार्डसह इतर कामांसाठी देखील पॅन कार्ड उपयोगी येते. त्यामुळे पॅन कार्डला जपून ठेवणे गरजेचे आहे. परंतु, तुम्ही कधी विचार केला आहे का एखाद्या व्यक्तीच्या मृत्यूनंतर त्याच्या पॅन कार्डचे काय होते? मृत व्यक्तीच्या पॅन कार्डचे काय करायला हवे? या प्रश्नांची उत्तरे जाणून घेऊया.
वाचा: अरेच्चा! लाँचआधीच iPhone 14 ची प्री-बुकिंग सुरू, किंमत वाचून बसेल धक्का; पाहा काय आहे खास
काय आहे नियम?
- जर एखाद्या व्यक्तीचा मृत्यू झाल्यास त्याच्या पॅन कार्डसंबंधी नियम दिलेले आहेत. अशा व्यक्तीचे पॅन कार्ड डीअ‍ॅक्टिव्हेट अथवा सरेंडर करावे लागते.
- जर एखाद्या व्यक्तीचे निधन झाल्यास त्याचे पॅन कार्ड जमा करावे लागेल. यासाठी तुम्हाला असेसमेंट ऑफिसरला अर्ज लिहावा लागेल. या अर्जामध्ये तुम्हाला पॅन कार्ड परत करण्याचे कारण सांगावे लागेल.
- त्यानंतर त्या मृत व्यक्तीचे नाव, जन्मतारीख, पॅन नंबर व मृत्यूचा दाखला इत्यादी सर्व माहितीसह पॅन कार्ड परत करावे लागेल.
वाचा: Instagram Down: इंस्टाग्रामवरून मेसेज करताना येतेय समस्या, यूजर्सच्या तक्रारींचा ट्विटरवर पाऊस; शेअर केले मजेशीर मिम्स
या गोष्टी ठेवा लक्षात
एखाद्या व्यक्तीचे निधन झाल्यास त्वरित पॅन कार्ड परत करणे टाळायला हवे. कारण, अशा व्यक्तीच्या निधनानंतर अनेक आर्थिक कामे बाकी असतात. अशावेळी पॅन कार्ड उपयोगी येऊ शकते. त्यामुळे ही सर्व आर्थिक कामे पूर्ण करूनच पॅन कार्ड परत करणे योग्य आहे.
वाचा: Best smart home devices: हे ५ प्रोडक्ट्स तुमच्या घराला बनवतील ‘स्मार्ट होम’, पाहा संपूर्ण लिस्ट
[ad_2]
