फोन चोरी झाल्यास सर्वात आधी करा हे तीन काम, अन्यथा होऊ शकते मोठे नुकसान

सिम कार्ड ब्लॉक:

तुमचा फोन हरविल्यास, सर्वप्रथम सिम ब्लॉक करणे आवश्यक आहे. जेणेकरून कोणीही तुमच्या नंबरचा गैरवापर करू शकणार नाही. यासाठी तुम्ही टेलिकॉम ऑपरेटरशी संपर्क साधू शकता. तुम्हाला मूलभूत माहिती विचारल्यानंतर ते तुमचे सिम ब्लॉक करतात. नंतर तुम्ही स्टोअरमधून सिम बदलून घेऊ शकता.

वाचा: 5G Sim Upgrade :’या’ लिंकवर क्लिक करताच अकाउंटमधून पैसे गायब, राहा अलर्ट, करू नका ही चूक

फोन ब्लॉक:

दूरसंचार विभागाची अधिकृत वेबसाइट CEIR आहे. याद्वारे युजर्स त्यांचा चोरीला गेलेल्या फोनचा तपशील देऊन ब्लॉक किंवा अनब्लॉक करू शकतात. यासाठी तुम्हाला www.ceir.gov.in या वेबसाइटला भेट द्यावी लागेल. त्यानंतर चोरीला गेलेला किंवा हर:लेल्या फोनचा तपशील भरा आणि तो ब्लॉक करण्याची विनंती दाखल करा. यासाठी एफआयआर कॉपी व्यतिरिक्त तुम्हाला फोन खरेदी करताना मिळालेले बिल, पोलिस तक्रार क्रमांकाचा तपशील अशी काही कागदपत्रे द्यावी लागतील. त्यानंतर फॉर्म सबमिट करा.

रिमोटली डेटा हटवा:

तुम्ही अँड्रॉइड फोन वापरत असल्यास, तुम्ही www.google.com/android/find वर लॉग इन करू शकता. यानंतर तुम्हाला फोनचे डिटेल्स दाखवले जातील. फोन डेटा हटवण्याचा पर्याय निवडून तुम्ही सर्व डेटा हटवू शकता.

वाचा: आता iPhone 13 सह ‘हे’ प्रीमियम स्मार्टफोन्स सुद्धा स्वस्तात मिळणार, सुरू होतोय जबरदस्त सेल