इयत्ता दहावीच्या परीक्षेसाठी १८ नोव्हेंबरपासून आवेदनपत्रे स्वीकारली जाणार; विद्यार्थ्यांनी ऑनलाईन आवेदनपत्र भरावीत – शिक्षण मंत्री प्रा.वर्षा गायकवाड यांचे आवाहन

Maharashtra HSC Result 2021 l उद्या जाहीर होणार बारावीचा निकाल; कुठे, कसा चेक कराल? संपूर्ण माहिती एका क्लिकवर.

मुंबई, दि. 17 :- महाराष्ट्र राज्य माध्यमिक व उच्च माध्यमिक शिक्षण मंडळामार्फत सन 2022 मध्ये घेण्यात येणाऱ्या माध्यमिक शालांत प्रमाणपत्र (इयत्ता 10 वी) परीक्षेची आवेदनपत्रे गुरूवार दि. 18 नोव्हेंबरपासून स्वीकारली जाणार आहेत. http://www.mahahsscboard.in या संकेस्थळावर विद्यार्थ्यांनी ऑनलाईन पद्धतीने आवेदनपत्र भरावीत, असे आवाहन शालेय शिक्षण मंत्री वर्षा गायकवाड यांनी केले आहे.

सदर परीक्षेस नियमित, पुनर्परीक्षार्थी, नाव नोंदणी प्रमाणपत्र प्राप्त झालेले खाजगी विद्यार्थी तसेच श्रेणीसुधार व तुरळक विषय, आयटीआय घेऊन प्रविष्ट होणाऱ्या विद्यार्थ्यांची आवेदनपत्रे ऑनलाईन पद्धतीने घेण्यात येणार आहेत. यामध्ये माध्यमिक शाळांनी नियमित विद्यार्थ्यांची आवेदनपत्रे SARAL डाटाबेसवरून नियमित शुल्कासह गुरूवार 18 नोव्हेंबर पासुन ते गुरूवार , 9 डिसेंबर 2021 या कालावधीत भरावयाची आहेत.

तर माध्यमिक शाळांनी रिपिटर, नाव नोंदणी प्रमाणपत्र प्राप्त झालेले खाजगी विद्यार्थी, श्रेणी सुधार व तुरळक विषय घेऊन परीक्षेस प्रविष्ट होणारे विद्यार्थी, आयटीआयद्वारे ट्रान्स्फर ऑफ क्रेडिट घेणारे विद्यार्थी यांची आवेदनपत्रे प्रचलित पद्धतीप्रमाणे शुक्रवार दि. 10 डिसेंबर पासुन ते सोमवार दि. 20 डिसेंबर 2021 या वेळेत ऑनलाईन पद्धतीने भरावयाचे आहेत. लेट फी हे अर्ज सोमवार दि. 20 डिसेंबर ते मंगळवार दि. 28 डिसेंबर 2021 या कालावधीत भरता येतील. तर, माध्यमिक शाळांना बँकेत चलनाद्वारे फी भरण्यासाठी गुरूवार दि. 18 नोव्हेंबर पासुन ते गुरूवार दि. 30 डिसेंबर 2021 कालावधी देण्यात आला आहे.माध्यमिक शाळांनी विभागीय मंडळाकडे फी भरल्याच्या चलनासह विद्यार्थ्यांच्या याद्या व पूर्व यादी मंगळवार दि. 4 जानेवारी 2021 रोजी जमा करावयाची आहे.

आवेदनपत्रे नियमित शुल्काने भरावयाच्या तारखांमध्ये कोणतीही मुदतवाढ देण्यात येणार नाही, असे महाराष्ट्र राज्य माध्यमिक व उच्च माध्यमिक शिक्षण मंडळाचे सचिव डॉ.अशोक भोसले यांनी कळविले आहे.

Leave a Reply