ATM मधून पैसे काढताना तुम्हीही या चुका करता ? राहा अलर्ट, हॅकर्सची तुमच्यावर नजर

नवी दिल्ली: ATM Frauds : आजकाल स्कॅमर्स खूप अपडेटेड झाले असून लोकांना फसविण्यासाठी नव-नवीन युक्त्या शोधून काढत आहेत. गेल्या काही काळात ATM Scams च्या घटनाही घडत आहेत. एटीएम कार्डच्या साहाय्याने पैसे काढताना थोड्या निष्काळजीपणामुळे हॅकर्स तुमची लाखो रुपयांनी फसवणूक करू शकतात. अशात, जर तुम्हालाही एटीएम फ्रॉड टाळायचे असेल तर काही गोष्टींकडे लक्ष देणे आवश्यक आहे. आज आम्ही तुम्हाला अशाच टिप्स सांगणार आहो, ज्यांच्या मदतीने तुम्ही ATM वापरताना होणाऱ्या फसवणुकीपासून दूर राहाल.

वाचा: Airtel- Jio- Vi- BSNL युजर्स द्या लक्ष, अनलिमिटेड कॉलिंग, डेटासह येणाऱ्या या प्लान्सची किंमत ३०० रुपयांपेक्षा कमी

एटीएममधून पैसे काढताना एटीएम पिनचा वापर काळजीपूर्वक करा. तसेच, गुप्तपणे पिन एंटर करा. तुम्ही एटीएममध्ये पैसे काढण्यासाठी गेलात तेव्हा तेथे कोणीही नसावे. तेथे इतर कोणी असल्यास, त्याला बाहेर जाण्यास सांगा आणि संशय असल्यास, त्या एटीएममधून ताबडतोब बाहेर या.

वाचा: Jio चा सुपरहिट प्लान, फक्त २०० रुपये एक्स्ट्रा खर्च केल्यास मिळणार १४ OTT ची मजा

एटीएम पिन आणि कार्ड कोणालाही देऊ नका:

घाईघाईत पैसे काढण्यासाठी अनेक जण मित्रांना किंवा नातेवाईकांना एटीएम कार्ड आणि पिन देतात . असे करणे अल्पावधीत सोयीचे असू शकते, परंतु दीर्घकाळात तुमची फसवणूक होऊ शकते. अशी चूक करू नका. जवळच्या लोकांनीच लाखो रुपयांची फसवणूक केल्याच्या अनेक घटना गेल्या काही काळात समोर आल्या आहे. काही कारणास्तव तुम्हाला एटीएम पिन आणि कार्ड कुणाला द्यायचे असल्यास ताबडतोब कार्डचा पिन बदला आणि बँक स्टेटमेंट पहा.

एटीएम कार्ड स्लॉट

एटीएममधून पैसे काढताना घाई करू नका. सर्वप्रथम, एटीएमच्या आतील बाजूस एक नजर टाका. एटीएम कार्ड स्लॉट देखील तपासा कारण स्कॅमर कधी- कधी एटीएममध्ये क्लोनिंग उपकरणे किंवा कार्ड रीडर चिप्स इन्स्टॉल करतात. हे उपकरण एटीएम कार्डचा डेटा चोरते आणि तुम्ही फसवणुकीला बळी पडू शकता. अशा परिस्थितीत काही शंका असेल तर ते एटीएम वापरू नका.

ATM Pin बदलत रहा

एटीएम पिन वेळोवेळी बदलत राहिल्यास तुमच्यासोबत फसवणूक होण्याची शक्यता खूप कमी होते. तसेच, विशिष्ट पॅटर्न किंवा तत्सम संख्यांचा पिन बनवू नका. तुमची जन्मतारीख, मोबाईल नंबरचे अंक, ००००,११११ सारखे अंक वापरू नका.

वाचा: Reliance Digital: प्रेस ते चार्जरसह स्वस्तात खरेदी करा ‘हे’ डिव्हाइसेस, मिळतोय ५ हजारांपर्यंतचा डिस्काउंट