Headlines

गाडी चालताना ड्रायव्हिंग लायसन्स नसल्यास घाबरू नका, फोनमध्ये ‘हे’ अ‍ॅप असल्यास पकडणार नाही पोलीस


नवी दिल्ली : आधार कार्ड, पॅन कार्ड प्रमाणेच ड्रायव्हिंग लायसन्स (Driving License) हे देखील एक महत्त्वाचे सरकारी कागदपत्रं आहे. ओळखपत्र म्हणून ड्रायव्हिंग लायसन्सचा उपयोग अनेक ठिकाणी होतो. याशिवाय, गाडी चालवताना तुमच्याकडे ड्रायव्हिंग लायसन्स असणे देखील गरजेचे आहे. मात्र, तुम्ही ड्रायव्हिंग लायसन्सची हार्ड कॉपी जवळ न बाळगता देखील गाडी चालवू शकता. यासाठी डिजिलॉकर (Digilocker) हे अ‍ॅप तुम्हाला उपयोगी येईल. डिजिटल इंडिया (Digital India) अंतर्गत भारत सरकारने डिजिलॉकर ही सुविधा सुरू केली आहे. याद्वारे देशातील नागरिकांना महत्त्वाची कागदपत्रं जवळ न बाळगता डिजिटल स्वरुपात सुरक्षितरित्या स्टोर करता येईल.

डिजिलॉकरमुळे तुम्हाला महत्त्वाची कागदपत्रं हार्ड कॉपी स्वरुपात प्रत्येक ठिकाणी घेवून जाण्याची गरज नाही. यापैकीच एक ड्रायव्हिंग लायसन्स हे आहे. गाडी चालताना तुमच्याकडे ड्रायव्हिंग लायसन्स नसल्यास चलान कापले जाते. मात्र, डिजिलॉकर असल्यास तुम्हाला ही समस्या येणार नाही. तुम्ही ड्रायव्हिंग लायसन्सला डिजिलॉकरमध्ये स्टोर करू शकता. यासाठी अधिकृत वेबसाइट www.digilocker.gov.in वर जा. येथे तुमच्या मोबाइल नंबरने साइन अप करा. तुम्हाला एक ओटीपी मिळेल, ज्याद्वारे तुम्ही अकाउंटसाठी यूजर नेम आणि पासवर्ड जनरेट करू शकता. तुम्ही एमपिन देखील सेट करू शकता, ज्यामुळे भविष्यात सहज लॉग इन करता येईल.

ड्रायव्हिंग लायसन्सचा डिजिलॉकरमध्ये असा करा समावेश

  • अकाउंट बनवण्यासाठी तुमच्या आधार कार्डला डिजिलॉकर अकाउंटशी लिंक करा.
  • तुम्ही डिजिलॉकर अ‍ॅपच्या ‘पुल पार्टनर्स डॉक्यूमेंट’ सेक्शनला अ‍ॅक्सेस करू शकता. या सेक्शनमध्ये तुम्ही ड्रायव्हिंग लायसन्स नंबर नमूद करू शकता. ‘पुल डाक्यूमेंट’ पर्याय निवडल्यानंतर आता तुम्हाला त्या पार्टनरचा पर्याय निवडायचा आहे, ज्याला डॉक्यूमेंटचे सोर्स बनवायचे आहे. उदाहरणार्थ, तुम्हाला रस्ते, परिवहन व राष्ट्रीय महामार्ग मंत्रालयाच्या सर्व राज्यांचा पर्याय दिसेल.
  • डॉक्यूमेंट टाइपमध्ये ड्रायव्हिंग लायसन्स शोधा व त्यावर टॅप करा.
  • तुम्ही तुमच्या नाव आणि पत्त्यासह आवश्यक माहिती भरल्यास अ‍ॅप ठराविक पार्टनरकडून कागदपत्रं घेईल व अ‍ॅपमध्ये स्टोर करेल. प्रत्येक यूजरला अ‍ॅपमध्ये कागदपत्रं स्टोर करण्यासाठी १ जीबी स्टोरेज मिळते.
  • तसेच, सर्व सरकारी विभागांना डिजिलॉकरमधील कागदपत्रांचा सरकारी प्रक्रियेसाठी वापर करण्याचे निर्देश दिले आहेत.

वाचा: जास्त पैसे खर्च न करता लेटेस्ट स्मार्टफोन खरेदी करायचा असल्यास ‘ही’ लिस्ट पाहाच, स्वस्तात फोन येईल घरी

वाचा: ६५ इंचाच्या ‘या’ ब्रँडेड स्मार्ट टीव्हीसह घरालाच बनवा थिएटर, टीव्ही अर्ध्यापेक्षा कमी किमतीत खरेदीची संधी, पाहा टॉप डील्स

वाचा: या’ कंपनीच्या प्लान्ससमोर जिओनेही मानली हार, ५० रुपयांच्या सुरुवातीच्या किमतीसह ५० दिवसांपर्यंत व्हॅलिडिटी आणि ‘हे’ बेनिफिट्स

वाचा: लॉंग व्हॅलिडिटीसह युजर्सना फ्री डेटा-कॉलिंग ऑफर करतात ‘या’ कंपन्या, पाहा सर्वात स्वस्त प्लान

Source link

One thought on “गाडी चालताना ड्रायव्हिंग लायसन्स नसल्यास घाबरू नका, फोनमध्ये ‘हे’ अ‍ॅप असल्यास पकडणार नाही पोलीस

Leave a Reply