तुमच्या नावावर इतर लोकांनी तर SIM कार्ड काढले नाही ‘असे’ करा माहित, ‘या’ साईटची घ्या मदत


नवी दिल्ली: Aadhar Card हे एक अत्यंत महत्त्वाचे दस्तावेज असून आता ते ओळखपत्र म्हणून वापरले जाते. अशात आधार कार्ड भारतीयांसाठी किती महत्वाचे आहे हे वेगळे सांगायची गरज नाही. याद्वारे तुम्ही स्वतःसाठी एक सिम कार्ड देखील घेऊ शकता. केवायसीद्वारे बहुतांश सिमकार्ड आधारशी लिंक करण्यात आले आहेत. परंतु, अनेक वेळा असे देखील घडते की आपल्या आधार कार्डवर किती सिम जारी करण्यात आहेत याची आपल्याला माहिती नसते. अशा प्रकरणात फसवणूक होण्याचीही शक्यता असते. पण, त्याचा शोध घेता येतो. यासाठी तुम्ही सरकारी वेबसाइटची मदत घेऊ शकता. दूरसंचार विभागाच्या या वेबसाइटद्वारे तुम्ही तुमच्या आधार कार्डवरून किती सिम जारी केले आहेत हे जाणून घेऊ शकता. तुम्ही वेबसाइटद्वारे नॉन-वर्किंग सिम बंद करण्याची विनंती देखील करू शकता. या सेवेला टेलिकॉम अॅनालिटिक्स फॉर फ्रॉड मॅनेजमेंट अँड कन्झ्युमर प्रोटेक्शन (TAFCOP) असे नाव देण्यात आले आहे.

वाचा: १००० रुपयांपेक्षा कमीमध्ये घरी येतील ‘हे’ जबरदस्त कूलर्स, कडक उन्हात मिळेल जबरदस्त कुलिंग, पाहा डिटेल्स

पुढे जाण्यापूर्वी, येथे लक्षात घेण्यासारखी गोष्ट म्हणजे ही सेवा अद्याप संपूर्ण देशात उपलब्ध नाही. परंतु, असे मानले जात आहे, की आगामी काळात ती संपूर्ण देशात उपलब्ध केली जाईल. अधिकृत साइटनुसार, ही सेवा आता आंध्र प्रदेश आणि तेलंगणामध्ये उपलब्ध करून देण्यात आली आहे. ही सेवा वापरणे अगदी सोपे आहे. यासाठी तुम्हाला काही स्टेप्स फॉलो कराव्या लागतील. तुमच्या आधारवर जारी केलेले सिम कार्ड तपासण्यासाठी तुम्हाला प्रथम https://tafcop.dgtelecom.gov.in वर जावे लागेल.

https://tafcop.dgtelecom.gov.in वर तुम्हाला तुमचा मोबाईल नंबर देऊन OTP मागवावा लागेल. यामध्ये तुमच्या मोबाईलवर ६ अंकी OTP पाठवला जाईल. OTP प्रविष्ट करा आणि ते व्हेरिफाय करा. पुढील पेजवर तुम्हाला आधार क्रमांकासह नोंदणीकृत सर्व मोबाइल क्रमांक दाखवले जातील. जर तुम्हाला एखाद्या सिमबद्दल शंका वाटत असेल की, ते तुमचे नाही किंवा तुम्हाला कोणतेही सिम बंद करायचे असेल, तर तुम्हाला त्या नंबरच्या शेजारी टिक आणि चिन्हांकित करावे लागेल. त्यानंतर रिपोर्टवर क्लिक करावे लागेल . तुमचा नंबर बंद होईल.

वाचा: ‘या’ स्वस्त प्लान्सचे बेनिफिट्स महागड्या प्लान्सपेक्षाही भारी, १५० रुपयांपेक्षा कमीमध्ये डेली १ GB डेटा, फ्री कॉल्स आणि Live TV

वाचा: पॉवर कटला कंटाळून इन्व्हर्टर खरेदी करणार असाल तर ‘या’ गोष्टी नक्की चेक करा, नुकसान होणार नाही

वाचा: Vodafone-Idea यूजर्सना मोठा झटका, कमी झाली ‘या’ सर्व्हिसची व्हॅलिडिटी, पाहा डिटेल्स

Source link

Leave a Reply