तुमचा स्मार्टफोन वारंवार हँग होत असेल तर, मोबाइल नाही ‘या’ सेटिंग्स बदला, पाहा डिटेल्स

इंटरनल मेमरी कमी असताना फोन हँग होत असल्याची तक्रार युजर्स करतात. व्हिडिओ, हेवी गेम आणि फोटो फोनवर बरीच जागा घेतात. फोन सुरळीतपणे काम करण्यासाठी, आवश्यकतेनुसार त्याचे स्टोरेज फ्री असणे आवश्यक आहे. जर फोन मेमरी ८० टक्क्यांहून अधिक ऑक्युपाईड असेल, तर तुमचा स्मार्टफोन फ्रीज होऊ शकतो किंवा फोन हँग होण्याची समस्या देखील येऊ शकते.

मालवेअर अॅप्सकडे द्या लक्ष:

तुम्ही कोणत्याही Third Party सोर्सवरून Apps डाउनलोड केल्यास तुमच्या फोनमध्ये मालवेअर अॅप्सही इन्स्टॉल होऊ शकतात. व्हायरस अॅप्समुळे फोनची Background Process सतत चालू राहते. ज्यामुळे फोन हँग होतो. म्हणून, जर तुमच्या फोनमध्येया असे मालवेअर अॅप्स असतील तर, ते लगेच डिलीट करा.

OS आणि अॅप्स अपडेट करा:

एक्स्पायर्ड अॅप्स आणि ऑपरेटिंग सिस्टममुळे देखील अनेकदा फोन हँग होतो. यामुळे लेटेस्ट सिस्टमवर अॅप्स आणि ओएस अपडेट करत राहणे आवश्यक आहे. अनेक अॅप्स कालांतराने अधिक जागा स्पेस घ्यायला लागतात. यासाठी सेटिंगमध्ये जाऊन असे अॅप्स तपासू शकता आणि कॅशे मेमरी क्लियर करू शकता. जर तुमच्या फोनमध्ये जागा आणि रॅम कमी असेल तर त हेवी गेम खेळणे टाळावे. अशा गेम्समुळे कमी बजेटमधील फोन हँग होतात. तुमच्या फोनमध्ये अनावश्यक फाइल्स असल्यास फाइल मॅनेजर तपासा आणि त्या डिलीट करा. तरीही तुमचा फोन हँग होत असेल तर तुम्हाला तो फॅक्टरी रीसेट करावा लागेल. हे तुमच्या फोनवरील सर्व डेटा हटवेल. असे करण्यापूर्वी आवश्यक डेटाचा बॅकअप नक्की घ्या.

वाचा: ब्लूटूथ कॉलिंगसह पॉवरफुल Zebronics Soundbar लाँच, घरीच मिळणार डिस्कोचा फील, किंमत बजेटमध्येच

वाचा: प्रवाशांनी कृपया लक्ष द्या ! आता ‘या’ रेल्वे स्टेशन्सवरही मिळणार Free Wi-Fi, फॉलो कराव्या लागतील ‘या’ सोप्पी स्टेप्स

वाचा: WhatsApp वर ‘या’ चुका कराल तर, मोजावी लागेल मोठी किंमत, अकाउंट होईल बॅन, पाहा डिटेल्स