सोलापूर – यंदा एक सदस्यीय प्रभाग रचना झाल्यास मार्क्सवादी कम्युनिस्ट पक्षाचे किमान दोन अंकी नगरसेवक निवडून येतील आणि महापौर पदाचा दावेदार बनतील असा विश्वास ज्येष्ठ नेते माजी आमदार कॉ.नरसय्या आडम मास्तर यांनी काल सांयकाळी माकपचे मध्यवर्ती कार्यालय दत्त नगर येथे झालेल्या सर्वसाधारण सभेला संबोधित करताना व्यक्त केले.
बुधवार दिनांक 8 सप्टेंबर रोजी मार्क्सवादी कम्युनिस्ट पक्षाचे कार्यालय दत्त नगर येथे जिल्हा सचिव मंडळ सदस्य युसूफ शेखमेजर यांच्या अध्यक्षतेखाली सर्व साधारण सभा पार पडली.ही सर्व साधारण सभा प्रामुख्याने आगामी सोलापूर महानगरपालिका निवडणूकीच्या अनुषंगाने घेण्यात आली असून याबाबत सविस्तर मार्गदर्शन आखणी करण्यात आले.
सनी शेट्टी, सिद्धप्पा कलशेट्टी यांनी पॉवर पॉईंट प्रेझेंटेशन द्वारा निवडणूक कार्यालयचे फॉर्म 6,7,8 व 8 अ ची माहिती सोबत नवीन मतदार नोंदणी,नाव दुरुस्ती, पत्ता बदल याचे प्रात्यक्षिक दाखवून दिले.
- प्रेम आणि नात्याचा अनुबंध उलगडणारा ‘लेक असावी तर अशी’, ट्रेलर तुम्ही पाहिलात का?
- 32 वर्षांपासून बेपत्ता आहे ‘हा’ अभिनेता; कोण म्हणालं वेड्यांच्या इस्पितळात कोण, म्हणालं रस्त्यांवर दिसला, सत्य काय?
- ‘कभी खुशी कभी गम’मधील शाहरुख- काजोलचा ऑनस्क्रीन मुलगा आता कायच्या काय हॅण्डसम दिसू लागलाय, Photo पाहिले?
- ‘Chamkila’ चित्रपट आणि अमिताभ बच्चन यांचं काय आहे कनेक्शन?
- 2 महिन्यानंतर कोमातून बाहेर आली 25 वर्षीय Adult Star; ‘त्या’ रुममध्ये फेब्रुवारीत काय घडलं? गूढ कायम
असंघटीत कामगारांची नोंदणी इ श्रम या पोर्टलवर करण्यासंबंधी माहिती सिटू चे राज्य सचिव सलीम मुल्ला यांनी दिली.
कॉ.आडम मास्तर बोलताना पुढे म्हणाले की, सोलापूर शहराचा चेहरामोहरा बदलण्यासाठी सक्षम,अभ्यासू,लढाऊ व शहराच्या विकासाची अंतरीक तळमळ असणाऱ्या व्यक्तींना नगरसेवक म्हणून आपले प्रतिनिधीत्व करण्याची संधी द्यावी.अन्यथा विकासा ऐवजी भकास होईल.
महानगरपालिका म्हणजे सोन्याची अंडी देणारी कोंबडी नसून नागरीक आणि शहर विकासाची राजधानी आहे याचे महत्व व गांभीर्य मतदार बांधवानी लक्षात घ्यावे असे ही ते पुढे म्हणाले.
27 सप्टेंबर रोजी संयुक्त किसान मोर्चा च्या वतीने सार्वत्रिक भारत बंद ची हाक देण्यात आली असून शेतकरी बाबत तीन कृषी काळे कायदे रद्द करा, तीन श्रम संहिता रद्द करा युवकांना नोकरी व रोजगार द्या, ऑनलाइन शिक्षण पद्धती रद्द करा. अशा अनेक न्याय हक्काच्या मागण्या घेऊन होणाऱ्या भारत बंद मध्ये सहभागी व्हा असे आवाहन माकप चे जिल्हा सचिव अँड.एम.एच.शेख यांनी केले.
व्यासपीठावर अँड.एम.एच.शेख, माकप च्या नगरसेविका कॉ.कामीनीताई आडम,सिद्धप्पा कलशेट्टी, युसूफ मेजर,सलीम मुल्ला,अनिल वासम उपस्थित होते.