सोपी ट्रिक! स्मार्टफोन खराब होण्याआधी घ्या डेटा बॅकअप, ‘हे’ फ्री अ‍ॅप येईल खूपच उपयोगी


नवी दिल्ली : स्मार्टफोनमध्ये फोटोपासून ते फाइल्ससह अनेक महत्त्वाचा डेटा स्टोर केलेला असतो. त्यामुळे स्मार्टफोन चोरीला गेल्यास अथवा खराब झाल्यास मोठी समस्या निर्माण होते. दरवर्षी जगभरात जवळपास २ लाख स्मार्टफोन चोरीला जातात. तर कोट्यावधी फोन खराब होतात. याशिवाय, अनेक लॅपटॉप देखील बंद पडतात. यामुळे या डिव्हाइसमध्ये असलेला डेटा पुन्हा रिस्टोर करणे शक्य होत नाही. डिव्हाइस खराब झाल्यास हा डेटा देखील गमवावा लागतो. मात्र, आम्ही तुम्हाला एक सोपी प्रोसेस सांगणार आहोत, ज्याद्वारे तुम्ही मोफत ऑनलाइन डेटा स्टोर करू शकता. यासाठी गुगल अ‍ॅपची मदत होईल.

गुगल ड्राइव्ह अ‍ॅपवर स्टोर करा डेटा

  • सर्वात प्रथम फोनमध्ये गुगल ड्राइव्ह अ‍ॅपला इंस्टॉल करून ओपन करा.
  • आता तुम्हाला होम स्क्रीनवर + चे चिन्ह दिसेल. त्यावर क्लिक करा.
  • त्यानंतर अपलोडचा पर्याय दिसेल, त्यावर टॅप करा.
  • आता फोनच्या स्टोरेजमधून ती फाइल सिलेक्ट करा, जी ड्राइव्हमध्ये अपलोड करायची आहे.
  • फाइल सिलेक्ट केल्यानंतर गुगल ड्राइव्हमध्ये अपलोड होईल.
  • लक्षात ठेवा की फाइल अपलोड करण्यासाठी इंटरनेट कनेक्शन असणे गरजेचे आहे.
  • तुम्ही फाइल्सला वेगवेगळे फोल्डर बनवून देखील अपलोड करू शकता.

बॅकअपला आपोआप करा सेट

  • तुमच्या फोनमध्ये सेटिंग्स अ‍ॅपला ओपन करा.
  • सिस्टमवर क्लिक करून बॅकअपवर टॅप करा.
  • आता Back up to google drive वर क्लिक करा.
  • एकापेक्षा जास्त अकाउंट असल्यास ज्या अकाउंटवर बॅकअप घ्यायचे आहे, ते सिलेक्ट करा.
  • त्यानंतर Back up now वर टॅप करा.

दरम्यान, गूगल अकाउंटवर कॉन्टॅक्ट, एसएमएस, सेटिंग्स आणि कॉल हिस्ट्रीचा बॅकअप आपोआप सेट होतो. गुगलकडून १५ जीबी स्टोरेज मोफत दिले जाते. तसेच, १५ जीबी पेक्षा अधिक स्टोरेज हवे असल्यास तुम्हाला पैसे द्यावे लागतील. मात्र, तुम्ही फोटो आणि व्हिडिओ क्वालिटी कमी करून जास्तीत जास्त फाईल्स अपलोड करू शकता.

वाचा: भारतात लाँच झाले ‘Smart Shoes’; सेल्फी काढता येणार आणि फोनही होईल चार्ज

वाचा: खूपच कमी किंमतीत लाँच झाले OnePlus चे धमाकेदार इयरफोन्स, मिळेल तब्बल ३० तासांची बॅटरी लाइफ

वाचा: एकच नंबर! अवघ्या १० सेकंदात १ लाखांपेक्षा अधिक यूनिट्सची विक्री, Realme च्या ‘या’ भन्नाट फोनचा बाजारात दबदबा

Source link

Leave a Reply