नवी दिल्ली : ways to hide your number when making calls: सध्या टेक्नोलॉजीमुळे अनेक कामे सहज करणे शक्य झाले आहे. लोक कोणतेही काम कोणत्याही समस्येशिवाय व वेळेच बचत करत पूर्ण करत आहे. आर्थिक व्यवहारापासून ते महत्त्वाची कागदपत्रं पाठवण्यापर्यंत सर्वकाही अगदी काही सेकंदात शक्य आहे. टेक्नोलॉजीच्या मदतीने बऱ्याच गोष्टी सोप्या झाल्या आहेत. टेक्नोलॉजीच्या या काळात खासगी माहिती गोपनीय ठेवणे देखील महत्त्वाचे आहे. अनेकांना आपला मोबाइल नंबर इतरांना शेअर करायचा नसतो. तुम्हाला देखील तुमचा मोबाइल नंबर लपवून इतरांना कॉल अथवा मेसेज करायचा असल्यास, यासाठी एक भन्नाट ट्रिक आहे. तसेच, तुमच्या मित्र-मैत्रिणींशी प्रँक करण्यासाठी देखील तुम्ही या ट्रिकचा वापर करू शकता. तुमचा मोबाइल नंबर गोपनीय ठेवून इतरांना सहज मेसेज व कॉल करणे शक्य आहे. या भन्नाट ट्रिकबाबत जाणून घेऊया.
वाचा: Recharge Plans: एकही रुपया अतिरिक्त न देता वापरा अनलिमिटेड डेटा, ‘ही’ कंपनी ग्राहकांना देत आहे खास बेनिफिट्स; पाहा डिटेल्स
मोबाइल नंबर लपवून मेसेज-कॉल करण्यासाठी फॉलो करा ही प्रोसेस
- तुम्हाला जर तुमचा मोबाइल नंबर गोपनीय ठेवून कोणालाही कॉल अथवा मेसेज पाठवायचा असल्यास, सर्वात प्रथम गुगल प्ले स्टोरवरून ‘Text Me’ नावाच्या अ‍ॅपला फोनमध्ये डाउनलोड करा.
- येथे तुम्हाला तुमच्या ओरिजिनल फोन नंबरऐवजी दुसरा फोन नंबर टाकून रजिस्टर करावे लागेल. तुम्ही येथे कोणताही नंबर टाकू शकता. यानंतर कोणालाही कॉल अथवा मेसेज केल्यास तुमच्या ओरिजिनल नंबरऐवजी तुम्ही अ‍ॅपमध्ये रजिस्टर्ड केलेला नंबर पुढील व्यक्तीला दिसेल.
- या अ‍ॅपचे वैशिष्ट्ये म्हणजे तुम्ही एकाचवेळी अनेक नंबर्सचा वापर करू शकता. यासाठी तुम्हाला दरमहिना काही शुल्क द्यावे लागेल.
- याशिवाय, या अ‍ॅपच्या माध्यमातून तुम्ही कोणालाही मोफत कॉल अथवा मेसेज पाठवू शकता. परंतु, ही सुविधा काही ठराविक देशातच उपलब्ध आहे. दरम्यान, तुमचा मूळ मोबाइल नंबर लपवायचा असल्यास अथवा मित्र-मैत्रिणींशी प्रँक करण्यासाठी तुम्ही या अ‍ॅपचा वापर करू शकता. मात्र, याचा वापर करताना सावधगिरी बाळगणे गरजेचे आहे.
वाचा: Realme Smartphones: रियलमीचा धमाका! भन्नाट फीचर्ससह भारतात लाँच केले दोन स्मार्टफोन्स, किंमत खूपच कमी
वाचा: Power Banks: तब्बल ५०% डिस्काउंटसह मिळतायत Power Banks, प्रवासात येईल खुपच उपयोगी; अनेकदा चार्ज करू शकता फोन
