Smartphone Tips: स्मार्टफोनची बॅटरी लवकर संपतेय? ‘या’ टिप्स फॉलो केल्यास वारंवार चार्ज करण्याची गरजच नाही


नवी दिल्ली : How to Increase Smartphone Battery Life: स्मार्टफोनचा वापर आपण तासंतास करत असतो. सोशल मीडिया, चॅट, कॉलिंगसह अनेक गोष्टींसाठी फोनचा वापर होतो. त्यामुळे फोनची बॅटरी देखील दमदार असणे गरजेचे आहे. नियमित वापरासह फोनची बॅटरी कमीत कमी एक दिवस टिकणे गरजेचे आहे. सध्या बाजारात ५००० एमएएच, ६००० एमएएच बॅटरीसह येणारे स्मार्टफोन्स पाहायला मिळतात. मात्र, असे असले तरीही फोनची बॅटरी लवकर समाप्त होत असल्याची समस्या अनेकदा येते. अनेकदा प्रवासात असताना फोनची बॅटरी समाप्त झाल्या समस्या येते. तुमच्या फोनची बॅटरी देखील लवकर समाप्त होत असल्यास तुम्ही काही सोप्या टिप्सचा वापर करू शकता. ज्यामुळे तुम्हाला फोन वारंवार चार्ज करावा लागणार नाही.

वाचा: सोशल मीडिया यूजर्संनी हे नियम पाळावे, मोदी सरकारकडून ‘अलर्ट

रिफ्रेश रेट करा सेट

स्मार्टफोनची बॅटरी लाइफ वाढवण्यासाठी तुम्हाला फोनच्या सेटिंग्समध्ये काही बदल करावे लागतील. फोनची बॅटरी लवकर समाप्त होण्याचे कारण डिव्हाइसचा जास्त वेळ वापर करणे हे देखील आहे. रिफ्रेश रेट जेवढा जास्त असेल, तेवढ्या लवकर फोनची बॅटरी समाप्त होईल. फोनच्या सेटिंग्समध्ये दिलेल्या रिफ्रेश रेटला तुमच्या सोयीनुसार ६० हर्ट्ज आणि ९० हर्ट्जवर सेट केल्यास फोनची बॅटरी लवकर समाप्त होणार नाही.

वाचा: Best Plans: स्वस्तात जास्त व्हॅलिडिटी ! जिओचे ८४ दिवसांची व्हॅलिडिटी आणि इतर बेनेफिट्ससह येणारे ‘ हे’ प्लान्स आहेत जबरदस्त

अ‍ॅप्समुळे लवकर समाप्त होते बॅटरी

फोनची बॅटरी लाइफ वाढवण्याची आणखी एक सोपी पद्धत आहे. यासाठी फोनमधील कोणते अ‍ॅप्स सर्वाधिक बॅटरीचा वापर करतात, ते पाहा. तुम्हाला फोनच्या सेटिंग्समध्ये गेल्यावर बॅटरी सेक्शनमध्ये याची माहिती मिळेल. येथे कोणते अ‍ॅप्स सर्वाधिक बॅटरीचा वापर करतात, त्याची लिस्ट दिसेल. तुम्ही सर्वाधिक बॅटरी वापरणाऱ्या अ‍ॅप्सला इंस्टॉल करू शकता. ज्यामुळे फोनची बॅटरी लाइफ वाढेल.

बॅकग्राउंड अ‍ॅप्सला त्वरित करा बंद

स्मार्टफोनची बॅटरी लवकर समाप्त होऊ नये यासाठी बॅकग्राउंडमध्ये सुरू असलेल्या अ‍ॅप्सला बंद करा. ज्याप्रमाणे कॉम्प्युटर अथवा लॅपटॉपचा वापर केल्यानंतर शट डाउन केले जाते. त्याप्रमाणे स्मार्टफोनवर देखील बॅकग्राउंडमध्ये सुरू असलेल्या अ‍ॅप्सला बंद करा. अ‍ॅप्स बॅकग्राउंडमध्ये सुरू असल्याने फोनची बॅटरी लवकर समाप्त होते. अशाप्रकारे, तुम्ही अगदी सोप्या टिप्सच्या मदतीने फोनची बॅटरी लाइफ वाढवू शकता.

वाचा: International Yoga Day 2022: स्वतःच्या फिटनेसची घ्या काळजी, घरी आणा योगा मोडसह येणारे ‘हे’ स्वस्त स्मार्ट बँड्स

Source link

Leave a Reply