Smartphone Tips: ‘या’ गोष्टी गुगलवर कधीच करू नका सर्च, अन्यथा खावी लागेल थेट जेलची हवा


नवी दिल्ली : Things You Should Never Google: कोणत्याही गोष्टीबाबत जाणून घ्यायचे असेल अथवा नवीन माहिती हवी असल्यास सर्वात प्रथम आपण गुगलवर सर्च करतो. Google हे सर्वात मोठे सर्च इंजिन आहे. यावर तुम्हाला जवळपास सर्वच प्रश्नांची माहिती सहज मिळते. इंटरनेटच्या मदतीने गुगलवरून कोणतीही माहिती मिळवणे सहज शक्य आहे. मात्र, Google चा वापर करताना सावधगिरी बाळगणे देखील अत्यंत गरजेचे आहे. गुगलवर आपण असंख्य गोष्टी सर्च करत असतो, परंतु काही गोष्टी अशाही आहेत ज्याविषयी कधीही गुगलवर सर्च करू नये. तुमची एक चूक तुम्हाला थेट जेलमध्ये पाठवू शकते. Google वर कोणत्या गोष्टी सर्च करू नये, याविषयी जाणून घेऊया.

चाइल्ड पॉर्न सर्च करू नका

गुगलवर कधीही चाइल्ड पोर्नशी संबंधी आक्षेपार्ह कंटेंट सर्च करू नये. भारतात यासंबंधी कायदा आहे. पोक्सो कायदा २०१२ च्या कलम १४ अंतर्गत चाइल्ड पोर्न पाहणे, बनवणे आणि स्टोर करणे कायदेशीर गुन्हा आहे. अशा स्थितीमध्ये पकडले गेल्यास कारवाई होऊ शकते. या गुन्ह्याखाली ५ ते ७ वर्षांची शिक्षा होऊ शकते. त्यामुळे गुगलवर चाइल्ड पॉर्न सर्च करू नये.

बॉम्ब बनविण्याची पद्धत

गुगलवर बॉम्ब कसा बनवायचा याबाबत कधीही सर्च करू नये. असे केल्यास तुम्ही सर्वात प्रथम सुरक्षा एजेंसीच्या रडारवर येता व तुमच्यावर कारवाई केली जाऊ शकते. त्यामुळे कधीही बॉम्बबाबत सर्च करू नये.

गर्भपाताबाबत सर्च करू नका

सर्वात मोठे सर्च इंजिन असलेल्या गुगलवर गर्भपाताबाबत सर्च करणे टाळावे. कारण, भारतात भारतात डॉक्टरांच्या परवानगीशिवाय गर्भपात करणे बेकायदेशीर आहे. याशिवाय, तुम्ही अडचणीत सापडाल अशी कोणीती गोष्ट गुगलवर सर्च करू नये.

या गोष्टी देखील गुगलवर सर्च करणे टाळा

अनेकजण गुगलवर ऑफर्सची माहिती घेत असतात. मात्र, ऑफर्सच्या नादात बनावट वेबसाइटवर बँकिंगबाबतची माहिती दिल्यास तुमचे बँक खाते मिनिटात रिकामे होईल. जाहिरातीच्या नावाखाली तुमची मोठी फसवणूक होऊ शकते. त्यामुळे गुगलवर या गोष्टी कधीही सर्च करू नये.

वाचा: Car Selling Apps: ‘या’ अ‍ॅप्सवर अर्ध्या किंमतीत मिळतायत बेस्ट सेलिंग कार, ग्राहकांकडून खरेदीसाठी तुफान प्रतिसाद

वाचा: Mother’s Day 2022: आईला भेट द्या ‘हे’ दररोज उपयोगी येणारे गॅजेट्स, किंमत ५ हजारांच्या बजेटमध्ये; पाहा संपूर्ण लिस्ट

वाचा: Smartphone Tips: इंटरनेटशिवाय सहज कोणालाही पाठवता येतील पैसे, जाणून घ्या संपूर्ण प्रोसेस

वाचा: Vivo Smartphone: विवोच्या ‘या’ ५जी फोनचा आज पहिला सेल, ८ जीबी रॅमसह येणाऱ्या हँडसेटला १० हजारांच्या बजेटमध्ये खरेदीची संधी

Source link

Leave a Reply