Smartphone Tips: फोनवर स्क्रॅच पडले आहेत? ‘या’ सोप्या टिप्सच्या मदतीने मिनिटात हटवा


नवी दिल्ली : remove scratches from your phone: नवीन स्मार्टफोन घेतल्यावर त्याला सुरक्षित ठेवण्यासाठी आपण अनेक प्रयत्न करत असतो. फोनसाठी स्क्रीनगार्ड, कव्हर देखील खरेदी करतो. जेणेकरून, फोनवर स्क्रॅच पडू नये व नेहमी नवीन दिसेल. मात्र, कितीही प्रयत्न केले तरीही काही दिवसांनी फोन जुना दिसू लागतो. फोनवर स्क्रॅच पडू लागतात. तुम्ही जर कव्हरचा नियमित वापर करत असाल तर बॅक पॅनेल सुरक्षित राहते. परंतु, स्क्रीनवर मात्र स्क्रॅच पडतात. तुमच्या फोनच्या स्क्रीनवर देखील स्क्रॅच पडले असल्यास काळजी करण्याचे कारण नाही. तुम्ही अगदी सोप्या टिप्सच्या मदतीने हे स्क्रीनवरील स्क्रॅच घालवू शकता. या टिप्सविषयी सविस्तर जाणून घेऊया.

टूथपेस्टचा करा वापर

ज्या टूथपेस्टचा उपयोग तुम्ही दररोज दात स्वच्छ ठेवण्यासाठी करतात, त्याचाच उपयोग फोनच्या स्क्रीनवरील स्क्रॅच काढण्यासाठी करू शकता. मात्र, यावेळी स्पीकर्सची काळजी घ्यावी लागेल. स्क्रीन साफ करण्यासाठी सर्वात प्रथम कापूस अथवा मऊ कापडावर थोडे टूथपेस्ट घ्या. त्यानंतर ते कापड स्क्रीनवर हलक्या हाताने हळूहळू फिरवा. थोड्यावेळातच तुम्हाला स्क्रीनवरील स्क्रॅच कमी झाल्याचे दिसेल. आता स्वच्छ कापडाना टूथपेस्टचे डाग पुसून टाका. मात्र, यावेळी जेलच्या टूथपेस्टचा वापर करू नका. फोनच्या स्क्रीनवर गार्ड असेल तर ही पद्धत खूपच उपयोगी येईल.

वाचाः नवीन SIM Card खरेदी करतांना चुकूनही या गोष्टींकडे दुर्लक्ष करू नका, अन्यथा होईल मोठे नुकसान

बेकिंग सोडा

तुम्ही घरात वेगवेगळे पदार्थ बनवण्यासाठी ज्या बेकिंग सोडाचा वापर करता, ते देखील सक्रीनवरील स्क्रॅच हटवण्यासाठी उपयोगी येईल. यासाठी एका वाटीत बेकिंग सोडा घ्या व थोडे पाणी टाका. आता त्याची पेस्ट तयार करा. ही पेस्ट थोडी पातळ हवी. या पेस्टला मऊ कापड अथवा कापसावर घेऊन स्क्रॅचवर हलक्या हाताने फिरवा. थोड्याच वेळात फोनवरील स्क्रॅच कमी झाल्याचे तुम्हाला दिसेल.

वाचा: Nothing phone (1) बाबत मोठा खुलासा, फोनमध्ये असेल Snapdragon 778G+ चिपसेट, पाहा डिटेल्स

बेबी पाउडर

घरात बेबी पाउडर असल्यास त्याचा देखील उपयोग होईल. याचा उपयोग करण्यासाठी तुम्हाला पाण्यात बेबी पाउडर टाकून त्याची पेस्ट तयार करावी लागेल. या पेस्टला गोलाकार मोशनमध्ये स्क्रॅचवर लावा. काही वेळातच स्क्रॅच कमी होतील.

वाचा: Upcoming Smartphones: Motorola चा नवीन स्मार्टफोन भारतात करणार धमाकेदार एंट्री, मिळेल २०० मेगापिक्सलचा कॅमेरा

Source link

Leave a Reply