पॅनकार्ड चोरीला गेल्यास चिंता नको, दोन मिनिटात डाउनलोड करा e-PAN card, पाहा सोपी टिप्स


नवी दिल्ली: E-PAN Card: परमनंट अकाउंट नंबर किंवा पॅन कार्ड हे आयकर विभागाने जारी केलेल्या सर्वात महत्त्वाच्या कागदपत्रांपैकी एक आहे. हा १० अंकी अल्फान्यूमेरिक कोड असतो. जो तुमची सर्व कर संबंधित माहिती संग्रहित करतो. पण, चुकून जर Card हरवले तर नवीन बनवणेही कठीणच काम असते. पण, आज आम्ही तुम्हाला एक अशी ट्रिक सांगणार आहोत, जिच्या मदतीने तुम्ही घरबसल्या पॅन कार्ड बनवू शकाल, तेही मोफत. आयटी विभागाने दस्तऐवज आपल्या डिव्हाइसवर संग्रहित करण्यासाठी ई-पॅन कार्ड PDF डाउनलोड करण्याची सुविधा सुरू केली आहे. या सुविधेद्वारे, आवश्यकतेनुसार कधीही आणि कुठेही पॅन कार्ड डाउनलोड करू शकता. हे फीचर कसे वापरायचे ते सविस्तर जाणून घेऊया.

वाचा: Vi च्या प्लानने वाढविले jio- Airtel चे टेन्शन, प्लानमध्ये ७५ GB डेटा कॉलिंगसह OTT सब्स्क्रिप्शन

ई-पॅन कार्ड ऑनलाइन डाउनलोड करण्यासाठी फॉलो करा स्टेप बाय स्टेप प्रोसेस:


अधिकृत NSDL अधिकृत ई-पॅन कार्ड डाउनलोड पेजला भेट द्या-https://www.onlineservices.nsdl.com/paam/requestAndDownloadEPAN.html. येथे तुम्हाला ई-पॅन डाउनलोड करण्यासाठी दोन पर्याय मिळतील. पहिला एक पावती क्रमांकाचा आणि दुसरा पॅन कार्डचा. तुमच्याकडे असलेल्या माहितीच्या आधारे कोणत्याही पर्यायावर क्लिक करा.

वाचा: 5G Smartphone खरेदी करताना डोक्यात ठेवा ‘या’ गोष्टी, अन्यथा स्पीड मिळेल 4G पेक्षा कमी

पॅन कार्ड क्रमांकाद्वारे ई-पॅन डाउनलोड करणे निवडल्यास या स्टेप्स पाहा:

१० अंकी अल्फान्यूमेरिक पॅन कार्ड क्रमांक एंटर करा. आता, आधार क्रमांक (केवळ व्यक्तींसाठी), जन्मतारीख, GSTN (पर्याय) आणि कॅच कोड यासारखे तपशील एंटर करा. तपशील सबमिट केल्यानंतर, सूचना वाचल्यानंतर बॉक्सवर टिक करा. कॅप्चा एंटर करा आणि सबमिट पर्यायावर क्लिक करा. तुमच्या ई-पॅन कार्डची PDF स्क्रीनवर दिसेल. ई-पॅन डाउनलोड करण्यासाठी Download PDF वर क्लिक करा.

पावती क्रमांकाद्वारे ई-पॅन डाउनलोड करणे:

यासाठी पावती क्रमांक एंटर करा. कॅप्चा कोड नंतर जन्मतारीख सारखे तपशील प्रविष्ट करा. सबमिट पर्यायावर क्लिक करा. तुमच्या ई-पॅन कार्डची PDF स्क्रीनवर दिसेल. ई-पॅन डाउनलोड करण्यासाठी Download PDF वर क्लिक करा.

वाचा: १००० रुपयांपेक्षा कमीमध्ये मिळतोय १४ हजार रुपये किमतीचा Realme C35, पाहा ऑफर्स

Source link

Leave a Reply