या राज्यात भाजप आणि काँग्रेसची युती, जाणून घ्या हे कसे शक्य झाले?

शिलाँग : Meghalaya Democratic Alliance : देशात प्रथमच कट्टर विरोधक काँग्रेस आणि भाजप एकत्र आलेत. ( BJP and Congress alliance) मेघालय राज्यात ही अजब युती पाहायला मिळाली आहे. भाजप – काँग्रेस युतीची जोरदार चर्चा सुरु झाली आहे. मेघालयात मंगळवारी काँग्रेसचे पाच आमदार भाजपच्या सत्तारूढ मेघालय जनतांत्रिक आघाडीत सहभागी झाले. गेल्यावर्षी माजी मुख्यमंत्री मुकुल संगमा यांच्यासह 12 आमदारांनी काँग्रेस सोडून तृणमूल काँग्रेसमध्ये प्रवेश केला होता. त्यामुळे मेघालयात काँग्रेसच्या आमदारांची संख्या केवळ 5 इतकी उरली होती. काँग्रेस संसदीय पक्षाने अधिकृतरित्या आघाडीच्या कोनराड संगमा यांना पाठिंबा देणारे पत्र सादर केले. एमडीए सरकारमध्ये भाजप सहभागी होत असल्याचे या पत्रात म्हटले आहे. 

जाणत्या शत्रूप्रमाणे सत्तेसाठी लढणाऱ्या भाजप आणि काँग्रेसची मेघालयात चक्क युती झाली आहे. हे विचित्र वाटेल, पण हे वास्तव आहे. खरं तर, राज्यातील पाचही काँग्रेस आमदार मंगळवारी सत्ताधारी  भाजपच्या मेघालय लोकशाही आघाडीत सामील झाले. त्यामुळे आता विधानसभेत फक्त ममता बॅनर्जी यांची तृणमूल काँग्रेस विरोधी पक्षात आहे.

काँग्रेस विधिमंडळ पक्षाचे नेते अम्पारिन लिंगडोह म्हणाले की, आम्ही कदाचित एमडीएमध्ये सामील झालो आहोत, परंतु काँग्रेसचा भाग राहणार आहोत. त्याचवेळी नॅशनल पीपल्स पार्टीचे प्रमुख कोनराड संगमा म्हणाले की, ज्या काँग्रेस आमदारांनी एमडीए सरकारला अधिकृतपणे पाठिंबा देण्याचे वचन दिले आहे, त्यांचे स्वागत करताना आम्हाला आनंद होत आहे. जनता आणि राज्याच्या हितासाठी सरकार मजबूत करण्यासाठी आम्ही एमडीएच्या बॅनरखाली एकत्र काम करू.

गेल्यावर्षी 12 आमदारांचा काँग्रेला रामराम  

गेल्यावर्षी माजी मुख्यमंत्री मुकुल संगमा यांच्यासह 12 आमदारांनी काँग्रेस सोडून तृणमूल काँग्रेसमध्ये प्रवेश केला होता. यानंतर मेघालय विधानसभेत काँग्रेसच्या आमदारांची संख्या पाचवर आली, तर सुरुवातीला विरोधी पक्षाचे सभागृहात 17 सदस्य होते. काँग्रेस विधिमंडळ पक्षाने (CLP) मुख्यमंत्री कोनराड के संगमा यांना औपचारिकपणे पाठिंब्याचे पत्र दिले आहे.

 समर्थन पत्रात काय म्हटले आहे?

समर्थन पत्रात म्हटले आहे की, ‘भारतीय राष्ट्रीय काँग्रेसच्या आमदारांनी आज 8 फेब्रुवारी 2022 रोजी एमडीए सरकारमध्ये सामील होण्याचा निर्णय घेतला आहे. सरकारचे हात बळकट करण्यासाठी मुख्यमंत्री आणि MDA यांना पाठिंबा देण्याची आमची इच्छा आहे आणि आमच्या संयुक्त प्रयत्नांतून नागरिकांच्या हितासाठी राज्याची प्रगती सुनिश्चित करण्यासाठी निर्णय घेण्याची आमची इच्छा आहे.