ऑनलाईन सेलमधून शॉपिंग करताना राहा एक्स्ट्रा अलर्ट, अन्यथा पैसे पोहोचतील हॅकर्सकडे, पाहा सेफ्टी टिप्स

हॅकर्स तुमची फसवणूक करण्यासाठी विविध मार्गाचा अवलंब करतात. यासाठी बनावट-ई-कॉमर्स साइट्स तयार करण्यात आल्याचे एका अहवालात सांगण्यात आले आहे. तुम्हाला Flipkart किंवा Amazon सारख्या साइट्स दिसतील. पण, जर तुम्ही या साइट्सला भेट दिली तर तुम्ही सायबर स्कॅमला बळी पडू शकता. म्हणून सावध राहण्याची गरज आहे. काही वेळा बनावट ई-कॉमर्स साइट्सही तयार केल्या जातात. यावर उत्पादने ९० % पर्यंत सूटसह लिस्ट असतात. यामुळे लोक सहजपणे स्कॅमर्सच्या जाळ्यात येतात.

पण, याद्वारे तुमचे पैसे सायबर गुन्हेगारांपर्यंत पोहोचतात. सोशल मीडिया, व्हॉट्सअॅप, टेलिग्राम किंवा मेसेजच्या माध्यमातून या बनावट साइट्सचा प्रचार केला जातो. काही टिप्स फॉलो करून तुम्ही तुमचे पैसे सुरक्षित ठेवू शकता.

वाचा: ‘या’ ट्रिक्स फॉलो केल्यास ऑनलाइन सेलमध्ये मिळणार Best Deals, होणार बचत

असे सुरक्षित रहा:

• ऑनलाइन खरेदी करण्यापूर्वी URL https:// ने सुरू होतेय की नाही याकडे नेहमी लक्ष द्या. येथे याचा अर्थ सुरक्षित आहे. जेव्हा तुम्ही URL मधील लॉक आयकॉनवर माऊस करता तेव्हा तुम्हाला साइटची Safety Level कळेल.

• नेहमी Amazon, Flipkart, Shop Clues, Pepperfry आणि इतर लोकप्रिय वेबसाइटवरूनच ऑनलाइन शॉपिंग करा. अँटी-व्हायरस फायरवॉल अपडेटेड असणे आवश्यक आहे. अनोळखी व्यक्तीकडून कधीही अज्ञात वेबसाइट किंवा अॅप डाउनलोड करू नका.

• मेसेजमध्ये असलेल्या लिंक्सबाबतही काळजी घ्या. अज्ञात लिंकवर क्लिक करणे टाळा. तुमच्या खात्याचा पासवर्ड नियमितपणे बदलत राहा. तुमचा बँक डेटा कोणाशीही शेअर करणे टाळा.

वाचा: सरकारने दिला इशारा, हॅकिंगपासून सुरक्षित राहायचे असेल तर या गोष्टींकडे दुर्लक्ष करुच नका