Headlines

कोणी लपून छपून तर करत नाहीये ना तुमचा Call Record? असे घ्या जाणून


नवी दिल्ली: Call Recording : Google ने काही दिवसांपूर्वीच Call Recording करणाऱ्या थर्ड पार्टी अ‍ॅप्सला आपल्या प्लॅटफॉर्मवरून हटवले आहे. त्यामुळे Android Phone मध्ये कोणत्याही थर्ड पार्टी अ‍ॅप्सच्या मदतीने कॉल रेकॉर्डिंग करणे शक्य नाही. यासाठी फोनमध्ये देण्यात आलेल्या इनबिल्ट कॉल रेकॉर्डिंग फीचरचाच वापर करावा लागतो. मात्र, अनेकदा असे होते की समोरील व्यक्ती आपल्या कॉलला रेकॉर्ड करत असते व आपल्याला याबाबत समजत देखील नाही. परंतु, काही सोप्या ट्रिकच्या मदतीने तुमच्या कॉलला कोण रेकॉर्ड करत आहे, हे जाणून घेऊ शकता. याबाबत सविस्तर जाणून घेऊया.

वाचाः आता घरीच घ्या थिएटरचा आनंद! ‘या’ कंपनीने कमी किंमतीत मोठ्या स्क्रीनचे स्मार्ट टीव्ही केले लाँच

थर्ड पार्टी कॉल रेकॉर्डिंग अ‍ॅप्स बंद झाल्याने सर्वात मोठा फायदा झाला आहे, तो म्हणजे कॉल रेकॉर्डिंगची अनाउंसमेंट ऐकू येते. म्हणजेच, जर समोरील व्यक्ती तुमच्या कॉलला रेकॉर्ड करत असल्यास याबाबत तुम्हाला अलर्ट दिले जाते. परंतु, जुन्या अँड्राइड फोन आणि फीचर फोनमध्ये ही सुविधा मिळत नाही. यासाठी तुम्हाला दुसऱ्या ट्रिक्स फॉलो कराव्या लागतील. अनेक देशांमध्ये कॉल रेकॉर्डिंग करणे बेकायदेशीर आहे. यामुळे फोन कंपन्या कॉल रेकॉर्डिंग होत असताना बीप साउंड फीचरला अ‍ॅड करते.

वाचाः नवीन फोन खरेदी करायचाय? १० हजारांच्या बजेटमधील ‘हे’ आहेत एकापेक्षा एक शानदार स्मार्टफोन्स

त्यामुळे कॉलिंग दरम्यान बीप साउंडकडे लक्ष देणे गरजेचे आहे. जर तुमचा फोन सुरू असताना बीप-बीप असा आवाज वारंवार ऐकू येत असल्यास समजून जा की तुमचा कॉल रेकॉर्ड केला जात आहे. कॉल रिसिव्ह केल्यानंतर बराचवेळ बीपचा आवाज येत असल्यास कॉल रेकॉर्डिंग केले जात असण्याची शक्यता आहे. तुमच्याकडे नवीन अँड्राइड फोन असल्यास यात खास फीचर दिले जाते. या फोनमध्ये कॉल रेकॉर्डिंग फीचर एनेबल करताच तुम्हाला याबाबत अलर्ट केले जाते. यावरून तुमचा कॉल रेकॉर्ड केला जात आहे, हे तुमच्या सहज लक्षात येईल.

वाचा -Flipkart चा शानदार सेल! अवघ्या ७०० रुपयात खरेदी करा Nokia चा स्मार्ट टीव्ही; पाहा डिटेल्स

Source link

Leave a Reply