एखाद्याचे लोकेशन ट्रॅक करायचे असल्यास फोन नंबर, IMEI किंवा IP Address ची किती मदत होते?


वी दिल्ली: Tracking: तुमचे लोकेशन ट्रॅक तर होत नाहीये ना? असा प्रश्न अनेक वेळा युजर्सना सतावत असतात. मोबाईल क्रमांकावरून कोणाचे तरी लोकेशन ट्रॅक करता येत असल्याचे स्पष्ट झाले आहे. मोबाइल क्रमांक किंवा त्यांच्या फोनच्या मदतीने पोलिस गुन्हेगारांचा शोध घेत असतात. पण, ही पद्धत नेमकी काम कसे करते याबाबत अनेकांना माहित नाही. इंटरनेटवरून एखादे App डाउनलोड केल्यास त्यांचे काम होईल, असे अनेकांना वाटते. तुम्ही आयपी अॅड्रेस, मॅक अॅड्रेसवरून युजर्सचे संभाव्य स्थान मिळवू शकता. परंतु, ते इतके सोपे नाही. लोकेशन ट्रॅकिंगच्या या काही पद्धती पाहुया.

वाचा: 64MP Camera सह येणारा Oppo चा तगडा 5G फोन झाला खूपच स्वस्त

IMEI क्रमांकाद्वारे लोकेशन ट्रॅकिंग:

जर तुम्ही मोबाईल चोरीला गेल्यावर एफआयआर दाखल करायला गेलात तर, पोलिस तुमच्या फोनचा IMEI Number मागतात. त्याच्या मदतीनेच फोन ट्रेस केला जातो. मात्र, यासाठी वेगळा सेटअप नसून पोलिस टेलिकॉम कंपन्यांवर अवलंबून असतात. संशयास्पद किंवा चोरीला गेलेला फोन ट्रॅक करण्यासाठी पोलिस दूरसंचार कंपन्यांना IMEI क्रमांक देतात. या IMEI क्रमांकासह फोनमध्ये सिम स्थापित आणि सक्रिय होताच, टेलिकॉम ऑपरेटरला त्याची माहिती मिळते. सक्रिय क्रमांक कोणत्या सेल टॉवरशी जोडलेला आहे आणि सक्रिय संख्या त्याच्यापासून किती अंतरावर आहे? टेलिकॉम कंपनी ही सर्व माहिती पोलिसांना देते, ज्याच्या मदतीने गुन्हेगारांचा छडा लावला जातो.

वाचा: Security Tips: या कारणांमुळे लीक होतो फोनचा डेटा, या चुका टाळाच

IP पत्त्यावरून लोकेशन ट्रॅकिंग:

IP Address किंवा MAC अॅड्रेसच्या मदतीनेही एखाद्याचे लोकेशन ट्रेस करता येते. पण, त्यात काही अटी आहेत. IP पत्ता म्हणजेच इंटरनेट प्रोटोकॉल हा युनिक नंबर्सचा सेट असतो. प्रत्येक उपकरणाचा IP पत्ता असतो. ज्याच्या मदतीने त्या डिव्हाइसचे लोकेशन ट्रेस केले जाऊ शकते. मात्र, हे काम तितके सोपे नाही. कारण, सर्वप्रथम तुम्हाला एखाद्या यंत्राचा IP पत्ता लागतो. IP अॅड्रेस मिळाल्यावर तुम्ही IP लुकअप किंवा वोल्फ्राम अल्फा सारख्या वेबसाइटच्या मदतीने डिव्हाइसचे स्थान शोधू शकता. या वेबसाइट्सवरून अचूक स्थान मिळणार नाही. त्याऐवजी त्या डिव्हाइसच्या एरियाचे लोकेशन कळू शकते.

थर्ड पार्टी अॅप्स देखील मदत करू शकतात:

ही पद्धत सर्वसामान्यांना वापरता येते . कोणत्याही थर्ड पार्टी अॅपच्या मदतीने युजरचे लाईव्ह लोकेशन ओळखता येत नाही. जर कोणाला हवे असेल तर तो आपले लोकेशन तुमच्यासोबत नक्कीच शेअर करू शकतो. तसेच, तुम्ही यासाठी कॉलर आयडेंटिटी अॅप्स देखील वापरू शकता.

वाचा: 108MP कॅमेरासह पॅक्ड Samsung चा 5G फोन १९४९९ रुपयांमध्ये होईल तुमचा, फोनची MRP ४७४९० रुपये

Source link

Leave a Reply