होळी खेळताना स्मार्टफोन होऊ शकतो खराब, सेफ्टीसाठी फॉलो करा ‘या’ महत्त्वाच्या टिप्स


नवी दिल्ली : होळी, धुलिवंदनाचा सण अवघ्या काही दिवसांवर आला आहे. धुळवड म्हणजेच रंगपंचमी खेळण्याची तुम्हाला देखील आवड असल्यास या निमित्ताने काही गोष्टींची काळजी घेणे गरजेचे आहे. यातही प्रामुख्याने स्मार्टफोन व अन्य गॅजेट्सची काळजी घेणे गरजेचे आहे. अनेकदा मित्र-मैत्रिणींसोबत धुळवड साजरी करताना स्मार्टफोनमध्ये पाणी गेल्याने नुकसान होत असते. आपण सर्वचजण रंगपंचमी साजरी. मात्र, स्मार्टफोनची काळजी न केल्यास हँडसेट खराब होण्याची शक्यता अधिक असते. होळी (Holi 2022), रंगपंचमी निमित्ताने आम्ही तुम्हाला अशाच काही महत्त्वाच्या टिप्स सांगणार आहोत, ज्याद्वारे तुम्ही तुमच्या फोन्सची काळजी घेऊ शकता. या विषयी सविस्तर जाणून घेऊया.

रंग, पाण्यापासून फोनला वाचवण्यासाठी करा हे काम

तुम्ही Earphones ला खराब होण्यापासून अथवा रंगाचे डाग लागू नये म्हणून ग्लिसरीन किंवा मॉइस्चराइजरचा वापर करू शकता. यामुळे होळीनंतर सहज कलर निघून जातील. धुळवडीला स्मार्ट गॅजेट्स जसे की स्मार्टफोन, स्मार्ट बँड अथवा स्मार्ट वॉच सारख्या गॅजेट्सला सुरक्षित ठेवणे देखील गरजेचे आहे. एकतर धुळवडीच्या वेळेस या गॅजेट्सचा वापर करणे टाळा किंवा तुम्ही एअरटाइट जिपलॉक अथवा वॉटरप्रुफ पाउचमध्ये हे गॅजेट्स ठेऊ शकता. यामुळे मोबाइल अथवा स्मार्टवॉचला पाणी लागणार नाही व डिव्हाइस सुरक्षित राहील.

पाणी गेल्यास चार्जिंग करणे टाळा

धुलीवंदनाला इलेक्ट्रॉनिक गॅजेट्सची काळजी घेणे खूपच गरजेचे आहे. फोन अथवा अन्य कोणत्याही गॅजेट्सचे ज्याच पोर्ट्स ओपन आहेत, जसे की स्पीकर ग्रिल, चार्जिंग पोर्ट इत्यादी डक्ट टेपने कव्हर करा. फोनच्या स्पीकरला देखील डक्ट टेप लावा. तसेच, फोनला सायलेंटवर करायला विसरू नका. जर तुमच्या स्मार्टफोन अथवा अन्य गॅजेट्समध्ये पाणी गेले असल्यास त्वरित चार्जिंगला लावण्याची चूक करू नका. असे केल्याने फोन पूर्णपणे खराब होण्याची शक्यता आहे. तसेच, इलेक्ट्रिक शॉकचा देखील धोका असतो. त्यामुळे मोठे नुकसान टाळण्यासाठी धुलिवंदनाला फोनची विशेष काळजी घेणे गरजेचे आहे.

वाचा: स्वस्तात मस्त! दमदार फीचर्ससह Boat ची पहिली ‘मेड इन इंडिया’ स्मार्टवॉच लाँच, जाणून घ्या किंमत

वाचा: रिमोटने कंट्रोल होणाऱ्या पंख्याची जबरदस्त विक्री, दरमहिना २५० रुपये देवून करा खरेदी; वीज बिलही येईल कमी

वाचा: त्वरित पैशांची गरज आहे? आधार कार्डद्वारे मिळेल कर्ज, जाणून घ्या संपूर्ण प्रोसेस

वाचा: फ्री नेटफ्लिक्स, हॉटस्टार आणि प्राइम व्हिडिओसह येणारे सर्वात स्वस्त प्लान्स, डेटा-अनलिमिटेड कॉलिंगचाही फायदा; किंमत फक्त…

Source link

Leave a Reply