Google कडे तुमच्या प्रत्येक प्रश्नांची उत्तरे कशी काय असतात? जाणून घ्या


नवी दिल्ली :Google Tricks: कोणत्याही प्रश्नाचे उत्तर हवे असेल, कोणतीही नवीन माहिती हवी असल्यास आपण सर्वात प्रथम Google वर सर्च करतो. गुगल हे जगातील सर्वात मोठे सर्च इंजिन आहे. अगदी शाळेतील एखाद्या विषयातील प्रश्नाचे उत्तर असो की ऑफिसच्या कामासंबंधी माहिती, सर्वकाही आपण गुगलवर सर्च करतो. स्मार्टफोनच्या एका क्लिकवर आपण गुगल करून सर्व माहिती गोळा करत असतो. परंतु, तुम्ही कधी विचार केलाय का या सर्व प्रश्नांची उत्तर गुगलकडे कशी काय असतात? अवघ्या काही सेकंदात गुगलवर सर्व माहिती कशी मिळते? तर गुगल सर्च आपल्या अल्गोरिद्मला फॉलो करते व प्लॅटफॉर्मवर उपलब्ध असलेल्या माहितीच्या आधारावर तुमच्या प्रत्येक प्रश्नाचे उत्तर देते.

वाचा: iPhone 14 च्या लाँचआधी iPhone 13 वर आतापर्यंतची सर्वात मोठी सूट, किंमत पाहून विश्वास बसणार नाही

क्रॉलिंग

सर्च बारमध्ये काहीही टाइप केल्यानंतर वेबवर कोणकोणते पेज उपलब्ध आहेत, त्याची माहिती मिळते. कारण, इंटरनेटवर वेबपेजेसची कोणतीही सेंट्रल रजिस्ट्री नसते. त्यामुळे गुगलकडून सातत्याने याचा लिस्टमध्ये समावेश केला जातो. या प्रोसेससाठी वेब क्रॉलर्सच्या गुगल बॉटचा वापर केला जातो. याच क्रॉलरद्वारे वेबपेज शोधले जातात. तुमच्या प्रश्नांची उत्तरे देण्यासाठी गुगल पेजेसला क्रॉल करते व त्यानंतर इंडेक्समध्ये नवीन पेजेसचा समावेश करते.

इंडेक्सिंग

सर्च रिझल्टची माहिती गुगल पेजच्या डेटा समजते. गुगल वेबपेजवर एम्बेड करण्यात आलेल्या व्हिडिओ, इमेज, कॅटलॉग इत्यादी कंटेंटचे विश्लेषण करते. याच प्रोसेसला इंडेक्सिंग म्हटले जाते. ही माहिती गुगल इंडेक्समध्ये जमा केली जाते व याचा मोठा डेटाबेस तयार होतो. हा डेटाबेस तयार करताना अनेक गोष्टी लक्षात घेतल्या जातात. यात कीवर्ड, वेबसाइटवरील ओरिजिन कंटेंट, तसेच, कंटेंट कॉपी-पेस्ट केलेला तर नाही इत्यादी गोष्टी पाहायला जातात. गुगलचे सिस्टम सर्च इंडेक्समधील या सर्व माहितीला ट्रॅक करते व डुप्लिकेट कंटेंट आढळल्यास रिझेक्ट करते.

वाचा: भन्नाट ऑफर! फक्त ५,९९९ रुपयात मिळतोय २४ इंच LED TV, पाहा डिटेल्स

रँकिंग

यूजरने सर्च केल्यानंतर गुगलद्वारे टॉप रिझल्ट उपलब्ध केला जातो. यासाठी भाषा, लोकेशन, डिव्हाइस सारख्या गोष्टी लक्षात घेतल्या जातात. कोणत्या पेजचा रँक जास्त आहे, हे देखील पाहिले जाते. अशाप्रकारे, गुगल तुमच्या प्रत्येक प्रश्नाचे उत्तर सेकंदात देते.

वाचा: Realme च्या प्रीमियम स्मार्टफोनवर तब्बल ५ हजार रुपये डिस्काउंट, फोनमध्ये मिळेल ५० मेगापिक्सलचा कॅमेरा

Source link

Leave a Reply