Gold-Silver Price: सोने दरात मोठी वाढ! चांदीचीही उसळी, पाहा नवीन दर


मुंबई : GOLD PRICE TODAY, 2 MARCH 2022: रशिया-युक्रेन (Russia Ukraine Crisis) यांच्यातील वाढत्या संकटाच्या पार्श्वभूमीवर आज शेअर बाजारात पुन्हा घसरण पाहायला मिळत आहे. तसेच रशिया-युक्रेन युद्धाचा परिणाम सोने-चांदीच्या किमतीवर होत आहे. मल्टी कमोडिटी एक्सचेंजवर सोने एप्रिल वायदा 2.20 टक्क्यांच्या वाढीसह 51,876 रुपयांवर व्यवहार करत आहे. त्याचवेळी, चांदीचा मार्च वायदा 3.79 टक्के अर्थात 2,499 रुपयांनी वाढून तो 68,450 रुपयांवर ट्रेड करत आहे. खरं तर, शेवटच्या ट्रेडिंग सत्रात सोनेचा एप्रिल वायदा 50,760 रुपयांवर आणि चांदीचा मार्च वायदा 65,901 रुपयांवर बंद झाला.

आंतरराष्ट्रीय बाजारात सोने-चांदीची किंमत 

रॉयटर्सच्या मते, बुधवारी सुरुवातीच्या आशियाई व्यापारादरम्यान सोने किमतीत घट झाली आहे. तर डॉलरच्या किमतीत वाढ झाली आहे आणि रशिया-युक्रेन युद्धामुळे मागणी कमी झाली आहे. आंतरराष्ट्रीय बाजारावर नजर टाकल्यास सोने दरात 0.4 टक्क्यांनी घसरत पाहायला मिळत आहे. 1,935.38 डॉलर प्रति औंस आहे. दरम्यान, यूएस सोनेचे वायदेही 0.4 टक्क्यांनी घसरून 1,936.50 डॉलरवर आले आहेत.

वृत्तसंस्था रॉयटर्सच्या वृत्तानुसार, मंगळवारी डॉलर निर्देशांक 20 महिन्यांच्या उच्चांकाच्या जवळ बंद झाला, ज्यामुळे इतर चलन धारकांसाठी सोनेमधील गुंतवणूक कमी झाली आहे. याशिवाय चांदीचा भाव 0.9 टक्क्यांनी घसरून 25.15 डॉलर प्रति औंस झाला.

प्रमुख शहरांमध्ये सोने आणि चांदीच्या किमती

नवी दिल्लीत 22 कॅरेट सोन्याचा दर 46,700 रुपये प्रति 10 ग्रॅम आणि चांदीचा दर 65,000 रुपये प्रति किलो आहे.
मुंबईत 22 कॅरेट सोन्याचा दर 46,700 रुपये प्रति 10 ग्रॅम आणि चांदीचा दर 65,000 रुपये प्रति किलो आहे.
कोलकातामध्ये 22 कॅरेट सोन्याचा दर 46,700 रुपये प्रति 10 ग्रॅम आणि चांदीचा दर 65,000 रुपये प्रति किलो आहे.
चेन्नईमध्ये 22 कॅरेट सोन्याची किंमत 47,880 रुपये प्रति 10 ग्रॅम आणि चांदीची किंमत 70,000 रुपये प्रति किलो आहे.

सोने शुद्धता कशी तपासायची

– 24 कॅरेट शुद्ध सोन्यावर 999 लिहिलेले असते.
– 22 कॅरेटच्या दागिन्यांवर 916 लिहिलेले असते.
– 21 कॅरेट सोन्याच्या ओळखीवर 875 लिहिलेले असते.
– 18 कॅरेटच्या दागिन्यांवर 750 लिहिलेले असते.
– 14 कॅरेटच्या दागिन्यांवर 585 लिहिलेले असते.

 जाणून घ्या सोने-चांदीची किंमत

तुम्ही सोने किंवा चांदी खरेदी करण्याचा विचार करत असाल, तर तुम्ही एकदा किंमत तपासून पाहणे महत्त्वाचे आहे. दर जाणून घेण्यासाठी तुम्हाला कुठेही जाण्याची गरज नाही. तुम्ही घर बसल्या सहज सोने किंमत शोधू शकता. यासाठी तुम्हाला मोबाईल नंबर 8955664433 वर मिस कॉल करावा लागेल. यानंतर तुमच्या फोनवर एक मेसेज येईल, ज्यामध्ये तुम्ही नवीन दर पाहू शकता.



Source link

Leave a Reply