घरबसल्या मिळेल रेशन कार्ड, फोनवरून मिनिटात करता येईल अर्ज; जाणून घ्या संपूर्ण प्रोसेस


नवी दिल्ली : देशात गरिबांपर्यंत मोफत धान्य पोहचवण्यासाठी Ration Card चा उपयोग केला जातो. केवळ धान्यासाठीच नाही तर ओळखीचा पुरावा म्हणून देखील रेशन कार्ड महत्त्वाचे कागदपत्र आहे. तुमच्याकडे जर रेशन कार्ड नसल्यास, तुम्ही घरबसल्या सहज यासाठी अर्ज करू शकता. रेशन कार्ड बनवण्यासाठी तुम्हाला वारंवार सरकारी कार्यालयात जावे लागणार नाही. यासोबतच, तुम्हाला घरबसल्या रेशन कार्डचे स्टेट्स देखील तपासता येईल. तसेच, तुमच्या कुटुंबातील एखाद्या व्यक्तीच्या नावाचा रेशन कार्डमध्ये समावेश नसला तरीही तुम्ही त्या नावाचा समावेश करू शकता. तुम्ही राज्य सरकारच्या वेबसाइटवरून ई-रेशन कार्ड डाउनलोड देखील करू शकता. यासाठीची संपूर्ण प्रोसेस जाणून घेऊया.

वाचा: ९०० रुपयांपेक्षा कमी किंमतीत लाँच झाले ‘हे’ शानदार इयरफोन्स, सिंगल चार्जमध्ये १४ तास ऐकू शकता गाणी

कोण करू शकते रेशन कार्डसाठी अर्ज?

भारतीय नागरिक असलेली कोणतीही व्यक्ती रेशन कार्डसाठी अर्ज करू शकते. १८ वर्षांखालील मुलांचे नाव पालक रेशन कार्डमध्ये समाविष्ट करू शकतात. तर १८ वर्षांपुढील व्यक्ती वेगळ्या रेशन कार्डसाठी अर्ज करू शकते.

असा करू शकता ऑनलाइन अर्ज

  • रेशन कार्ड बनवण्यासाठी तुम्हाला तुमच्या राज्याच्या अधिकृत वेबसाइटवर जावे लागेल. महाराष्ट्रातील नागरिक mahafood.gov.in वर जावून अर्ज करू शकतात.
  • यानंतर Apply online for ration card या पर्यायावर क्लिक करा.
  • रेशन कार्ड बनवण्यासाठी तुम्ही ओळखपत्र म्हणून आधार कार्ड, मतदान ओळखपत्र, पासपोर्ट, हेल्थ कार्ड, ड्राइव्हिंग लायसन्स इत्यादी देऊ शकता.
  • रेशन कार्डसाठी तुमच्याकडून ५ रुपयांपासून ते ४५ रुपयांपर्यंत शुल्क घेतले जाईल. अर्ज भरल्यानंतर शुक्ल भरून सबमिट करा.
  • फील्ड व्हेरिफिकेशन झाल्यानंतर तुमचा अर्ज योग्य असल्याचे आढळल्यास रेशन कार्ड मिळेल.

रेशन कार्ड बनवण्यासाठी या कागदपत्रांची गरज

रेशन कार्ड बनवण्यासाठी ओळखपत्र म्हणून आधार कार्ड, मतदान ओळखपत्र, पासपोर्ट, सरकारद्वारे जारी करण्यात आलेले ओळखपत्र, हेल्थ कार्ड आणि ड्रायव्हिंग लायसन्स देवू शकता. याशिवाय, पॅन कार्ड, पासपोर्ट साइज फोटो, उत्पन्नाचा दाखला, पत्त्याचा पुरावा म्हणून वीजेचे बिल, गॅस कनेक्शन बुक, टेलिफोन बिल, बँक स्टेटमें अथवा पासबुक, भाडेकरार इत्यादी कागदपत्रांपैकी काही कागदपत्र लागतील.

अर्जाचे स्टेट्स असे तपासा

  • रेशन कार्डसाठी अर्ज केल्यावर तुम्ही घरबसल्यास अर्जाची स्थिती ट्रॅक करू शकता. यासाठी डिपार्टमेंट ऑफ फूडच्या अधिकृत वेबसाइटवर जा.
  • त्यानंतर Citizen Corner सेक्शनवर क्लिक करा.
  • आता Track Food Security Application वर क्लिक करा.
  • यातील चार पर्यायांपैकी एक भरा.
  • आता तुम्ही अर्जाची स्थिती पाहू शकता.

वाचा: डिजिटल इंडिया मोहीम: घरात किंवा गावात बसून पैसे कमवता येणार, फक्त घ्यावे लागेल ‘हे’ सरकारी ट्रेनिंग; पाहा डिटेल्स

वाचा: गुपचूप लाँच झाला Nokia चा सर्वात स्वस्त फ्लिप फोन, किंमत १५०० रुपयांपेक्षा कमी

वाचा: मस्तच! फक्त ६ हजारात मिळतोय ४० इंचाचा ‘हा’ भन्नाट स्मार्ट टीव्ही, घरीच मिळेल थिएटरचा आनंद

Source link

Leave a Reply