[ad_1]
Second Hand Smartphone Guide: आजकाल मॉडर्न आणि लेटेस्ट फीचर्सने परिपूर्ण स्मार्टफोन प्रत्येकालाच हवा असतो. काही लोक भरमसाठ खर्च करून नवीन फोन खरेदी करतात. इतकेच नाही, तर काही युजर्स वर्षा-वर्षाला फोन अपडेट करत असतात. तर, दुसरीकडे काही लोक बजेट लक्षात घेऊन नवीन फोन आणतात. अशात जर तुम्हाला नवीन फ्लॅगशिप स्मार्टफोन घ्यायचा असेल पण, बजेट नसेल तर, तुम्ही सेकंड हँड स्मार्टफोन खरेदी करण्याचा विचार करू शकता. पण, सेकंड हँड स्मार्टफोन खरेदी करणे दिसते तितके सोपी नाही. काही महत्वाच्या गोष्टींकडे दुर्लक्ष झाल्यास तुम्हाला मोठे नुकसान देखील सहन करावे लागू शकते. यात कॅमेरा,- बॅटरीपासून ते चार्जिंगसारख्या गोष्टींकडे लक्ष देणे आवश्यक आहे. सेकंड हँड स्मार्टफोन खरेदी करताना कोणत्या गोष्टी लक्षात ठेवल्या पाहिजेत याबद्दल आम्ही तुम्हाला आज सविस्तर माहिती देणार आहो. पाहा डिटेल्स.
Phone Bill
खरेदी करताना बिल देखील आवश्यक : फोन बारकाईने तपासणे जितके आवश्यक आहे, तितकेच फोनचे बिल सोबत घेणे आवश्यक आहे. फोनची वॉरंटी शिल्लक असेल तर जोपर्यंत वॉरंटी शिल्लक आहे, तोपर्यंत बिल दुरुस्तीसाठी आवश्यक असेल. एवढेच नाही तर, तुम्हाला बॉक्सवर असलेला IMEI नंबर देखील तपासून घेणे आवश्यक आहे. यासाठी फोनच्या डायल पॅडमध्ये *#06# कोड टाका, असे केल्याने फोनचा IMEI नंबर तुमच्या समोर येईल. वॉरंटी शिल्लक नसली तरी फोनचे बिल घ्या.असे केल्यास फोन अधिकृतरित्या खरेदी केल्याचा पुरावा तुमच्याकडे असेल.
वाचा : याला म्हणतात ऑफर ! ६० हजार रुपयांचा iPhone फक्त २६ हजारात होईल तुमचा, पाहा डिटेल्स
Smartphone Ports
पोर्ट्सकडे दुर्लक्ष करू नका: सर्व पोर्ट तपासणे हे भौतिक नुकसान तपासण्याइतकेच महत्त्वाचे आहे. जर तुम्ही फोन विकत घ्यायला गेलात तर तुमच्यासोबत हेडफोन्स नक्कीच घ्या, जेणेकरून तुम्ही ऑडिओ आउटपुट देखील तपासू शकता. फोन चार्ज करू शकता आणि चार्जिंग पोर्ट काम करत आहे की नाही हे पाहू शकता.
कॅमेरा अॅप चाचणी: स्मार्टफोन तपासताना, कॅमेरा तपासणे तसेच सर्व लेन्स व्यवस्थित काम करत आहेत की, नाही हे पाहणे आवश्यक आहे. याशिवाय, कॅमेऱ्याच्या लेन्सवर स्क्रॅच तर नाही ना याचीही काळजी घ्या.
वाचा: फोन वारंवार चार्ज करण्याच्या टेन्शनपासून व्हा फ्री, खरेदी करा ‘हे’ Big Battery स्मार्टफोन्स
Check Touch Screen
टचस्क्रीन चाचणी आवश्यक आहे: स्मार्टफोनची स्क्रिन त्याच्या महत्वाच्या फिचरपैकी एक आहे असे म्हणता येईल. कारण, सर्व कामं टच स्क्रिननेच केली जातात . अशात सेकंड हँड स्मार्टफोन खरेदी करताना टचस्क्रीन काम करत आहे की नाही हे नीट तपासा. नवीन दिसणार्‍या उपकरणातही टचस्क्रीन डिफेक्ट असण्याची शक्यता असते. त्यामुळे विशेष लक्ष द्या. स्क्रीनच्या प्रत्येक भागावर तुमचे बोट स्वाइप करण्याचा प्रयत्न करा, कीबोर्ड उघडा आणि सर्व कि दाबल्याने तुम्हाला तुमची टचस्क्रीन तपासण्यात मदत होईल.
Physical Condition
फोनच्या फिजिकल कंडिशनकडे लक्ष द्या: सेकंड हँड स्मार्टफोन विकत घेण्यापूर्वी डिव्हाईस नीट तपासा. फोनची फिजिकल कंडिशन ठीक आहे याची खात्री करा. त्यानंतरच पुढे जा. अनेक वेळा फोन हातातून निसटून खाली पडतो आणि त्यावर खुणा दिसतात. अनेकदा तर यामुळे आणि फोनचे अंतर्गत भाग देखील खराब होऊ शकतात. म्हणजेच फोनचे स्पीकर किंवा मायक्रोफोन देखील यामुळे खराब होऊ शकतात. केवळ काळजीपूर्वक तपासणी केल्यावरच तुम्हाला डिव्हाइसबद्दल पूर्ण अंदाज येईल आणि तुम्हाला दोषपूर्ण डिव्हाइसवर पैसे खर्च करावे लागणार नाही.
वाचा : Smartphone Offers: नवीन स्मार्टफोन खरेदी करायचाय? ‘या’ फोनवर मिळतोय ८ हजार रुपयांपेक्षा अधिक डिस्काउंट
[ad_2]
