बार्शीचे सुक्ष्मजीवशास्त्रज्ञ डॉ सुहास कुलकर्णी व संशोधिका सौ अमृता शेटे मांडे यांच्या संशोधनाला मोठे यश
बार्शी/ प्रतिनिधी: कोविड रुग्णांमध्ये केलेला स्टिरॉइड्स चा अतिवापर ,कमी झालेली प्रतिकारशक्ती व वाढलेली शुगर यामुळे पोस्ट कोविड रुग्णांना होणाऱ्या अत्यंत भयावह व महागड्या सिद्ध झालेल्या म्युकरमायकोसिस या रोगावर प्रभावी असे औषध निर्मिती क्षमता असणाऱ्या जंतूंचा नुकताच शोध लावल्याचे बार्शीचे सुक्ष्मजीवशास्त्रज्ञ डॉ सुहास कुलकर्णी व संशोधिका सौ अमृता शेटे मांडे यांनी सांगितले .
म्युकरमायकोसिस हा पोस्ट कोविड रुग्णांमध्ये होणारा बुरशीजन्य रोग असून त्यामुळे रुग्णाचे डोळे,मेंदू व फुफ्फुसावर परिणाम होत असल्याने व अत्यंत महागड्या उपचार पद्धती मुळे जीवघेणा ठरलेला आहे.अँम्फोटेरेसिन बी हे एकमेव इंजेक्शन उपयुक्त ठरले असले तरी अत्यंत महाग असल्याने रुग्ण मेटाकुटीला आलेले होते.त्यामुळे संशोधक योग्य पर्याय शोधत होते.आठ महिन्यांच्या अथक संशोधनातून शोधलेल्या जंतूंमुळे पर्यायी औषध निर्मिती होण्याची शक्यता वाढली असल्याचे डॉ सुहास कुलकर्णी यांनी सांगितले.
- प्रेम आणि नात्याचा अनुबंध उलगडणारा ‘लेक असावी तर अशी’, ट्रेलर तुम्ही पाहिलात का?
- 32 वर्षांपासून बेपत्ता आहे ‘हा’ अभिनेता; कोण म्हणालं वेड्यांच्या इस्पितळात कोण, म्हणालं रस्त्यांवर दिसला, सत्य काय?
- ‘कभी खुशी कभी गम’मधील शाहरुख- काजोलचा ऑनस्क्रीन मुलगा आता कायच्या काय हॅण्डसम दिसू लागलाय, Photo पाहिले?
- ‘Chamkila’ चित्रपट आणि अमिताभ बच्चन यांचं काय आहे कनेक्शन?
- 2 महिन्यानंतर कोमातून बाहेर आली 25 वर्षीय Adult Star; ‘त्या’ रुममध्ये फेब्रुवारीत काय घडलं? गूढ कायम
अॅक्टिनोमायसीट्स या वर्गातील जंतू हे औषध निर्मिती क्षमता असणारे असल्याने,त्या प्रजातींच्या जंतूंचा शोध गेले आठ महिने संशोधक घेत होते. अखेर ‘वेस्टर्न घाट परिसर’ जो बायोडायव्हर्सिटी साठी हॉट स्पॉट मानला जातो त्या परिसरातून या जंतूंचा शोध घेण्यात संशोधकांना यश आल्याचे शेटे मांडे यांनी सांगितले.एकूण ६७ प्रकारचे जंतू मिळवून त्यांची म्युकरमायकोसिस च्या बुरशीवर चाचणी घेतली असता १५ जंतूंमध्ये औषध निर्मिती क्षमता असल्याचे आढळले. या १५ पैकी फक्त दोनच जंतूंमध्ये प्रभावी औषध निर्मिती क्षमता अधिक असल्याचे सिद्ध झाल्याने त्यांचे जिनोम सिक्वेन्सीग करण्यात आले व हे जंतू स्ट्रेप्टोमायसिस ग्रीसीअस व स्ट्रेप्टोमायसिस अलबोग्रीसीओलस या नावाचे असल्याचे ओळखण्यात संशोधकांना यश आले आहे.
कोणत्याही रोगावर प्रभावी औषध निर्मितीसाठी ती क्षमता असणाऱ्या जंतूंचा शोध हा पहिला व मोठा टप्पा मानला जातो.जंतूंच्या या शोधामुळे हा टप्पा पार केला असून पुढील चाचण्या जर यशस्वीपणे पार पडल्या तर म्युकरमायकोसिस वर प्रभावी औषध निर्मिती चा पर्याय उपलब्द्ध होण्याची व त्यामुळे म्युकरमायकोसिस च्या रुग्णांना मोठा दिलासा मिळण्याची शक्यता वाढल्याचे डॉ सुहास कुलकर्णी यांनी आवर्जून सांगितले.