डिजिटल इंडिया मोहीम: घरात किंवा गावात बसून पैसे कमवता येणार, फक्त घ्यावे लागेल ‘हे’ सरकारी ट्रेनिंग; पाहा डिटेल्स


नवी दिल्ली : करोना व्हायरस महामारीमुळे मोठे आर्थिक नुकसान झाल्याचे पाहायला मिळाले. अनेकांच्या नोकऱ्या गेल्या, तर अनेकांना आपल्या कंपन्या देखील बंद कराव्या लागल्या. त्यामुळे अनेकजण पैसे कमवण्यासाठी वेगवेगळे मार्ग शोधत आहे. केवळ स्मार्टफोन आणि इंटरनेटच्या च्या माध्यमातून देखील तुम्ही मोठी कमाई करू शकता. सध्या सोशल मीडिया मार्केटिंग, युट्यूबच्या माध्यमातून कमाई करणाऱ्यांची संख्या देखील वाढली आहे. तुम्ही देखील घरबसल्या कमाई करण्याचे मार्ग शोधत असाल, तर आम्ही तुम्हाला असाच एक उपयोगी पर्याय सांगणार आहोत. तुम्ही डिजिटल माध्यमातून सहज कमाई करू शकता. याशिवाय, तुम्हाला कोठूनही काम करता येईल. याविषयी सविस्तर जाणून घेऊया.

वाचा: Jio चे स्वस्तात मस्त प्रीपेड प्लान्स, फक्त १४९ रुपयात डेटा-कॉलिंगसह मिळतील अनेक फायदे

घरबसल्या करू शकता कमाई

सरकार डिजिटल इंडिया मोहीम चालवत आहे. या अंतर्गत तुम्ही आपल्या गावात कॉमन सर्विस सेंटर उघडू शकता. या योजनेचा उद्देश ग्रामीण भागात राहणाऱ्या तरूणांना उद्योजक बनवणे आहे. यासाठी तुमच्याकडे कॉम्प्युटर अथवा लॅपटॉप आणि इंटरनेट कनेक्शन असणे गरजेचे आहे.
  • सर्वात प्रथम तुमच्या कॉम्प्युटर अथवा लॅपटॉपवरून ब्राउजरवर register.csc.gov.in या वेबसाइटवर जा.
  • त्यानंतर कॉमन सर्विस सेंटरवर रजिस्ट्रेशन करावे लागेल.
  • त्यानंतर तुम्हाला काही शुल्क द्यावे लागेल. हे शुल्क खूपच कमी आहे.
  • आता तुम्हाला तुमचे सेंटर जेथे उघडायचे आहे, त्याचा फोटो अपलोड करावा लागेल.
  • आता संपूर्ण फॉर्म भरा. तसेच, तुम्हाला काही कागदपत्रं द्यावी लागील. ऑनलाइन माहिती सबमिट केल्यानंतर एक आयडी दिला जाईल. या आयडीद्वारे तुम्ही अ‍ॅप्लिकेशनचे रेकॉर्ड ठेवू शकता.
  • तुमचा अर्ज स्विकारल्यानंतर तुम्हाला ट्रेनिंग दिली जाईल. सेंटर कसे सुरू करतात, याचे ट्रेनिंग तुम्हाला मिळेल. तुम्ही पूर्ण ट्रेनिंग पूर्ण केल्यानंतर एक प्रमाणपत्र दिले जाईल.
  • प्रमाणपत्र दिल्यानंतर तुम्हाला अनेक सर्विसची परवानगी मिळेल.

कोणती कामे करणे शक्य?

  • ऑनलाइन कोर्स
  • ट्रेन आणि बसचे बुकिंग
  • कृषी सेवा
  • मोबाइल आणि डीटीएच रिचार्ज

तसेच, या कामांसाठी तुम्ही स्वतः शुल्क निश्चित करू शकता. हे काम तुम्हाला सहज घरून-गावातून करता येईल व यामुळे तुमच्यासाठी अतिरिक्त कमाईचा मार्ग उपलब्ध होईल.

वाचा: गुपचूप लाँच झाला Nokia चा सर्वात स्वस्त फ्लिप फोन, किंमत १५०० रुपयांपेक्षा कमी

वाचा: मस्तच! फक्त ६ हजारात मिळतोय ४० इंचाचा ‘हा’ भन्नाट स्मार्ट टीव्ही, घरीच मिळेल थिएटरचा आनंद

वाचा: Samsung करणार धमाका! लाँचआधीच लीक झाली Galaxy A53 5G फोनची किंमत-फीचर्स, पाहा डिटेल्स

Source link

Leave a Reply