पंजाब निवडणुकीपूर्वी काँग्रेसमध्ये मुख्यमंत्रिपदाच्या चेहऱ्याबाबत सुरू असलेल्या अटकळांना आता पूर्णविराम मिळाला आहे. रविवारी एका कार्यक्रमाला संबोधित करताना राहुल गांधी यांनी चरणजित सिंग चन्नी हे काँग्रेसचे मुख्यमंत्रीपदी चेहरा असतील, अशी घोषणा केली आहे.
मुख्यमंत्र्यांच्या चेहऱ्याचा निर्णय हा पंजाबचा निर्णय असल्याचे राहुल गांधी म्हणाले. पंजाबमधील जनतेला, तेथील उमेदवारांना, कार्यकर्त्यांना आणि युवा कार्यकारिणीच्या लोकांना विचारले. पंजाबींनी सांगितले की, गरीबांना समजून घेणारी व्यक्ती हवी आहे.
राहुल गांधींची घोषणा एका टेलिपोलनंतर आली, ज्यामध्ये लोकांना काँग्रेसचा मुख्यमंत्री पदाचा चेहरा निवडण्यास सांगण्यात आले होते. काँग्रेसचा हा दृष्टिकोन अरविंद केजरीवाल यांच्या आम आदमी पक्षाने चालवलेल्या प्रचारासारखाच मानला जात होता, ज्याची अनेकांनी खिल्लीही उडवली होती.
2017 च्या पंजाब विधानसभा निवडणुकीपूर्वी भाजप सोडून काँग्रेसमध्ये सामील झालेले नवज्योतसिंग सिद्धू आणि मुख्यमंत्री चरणजीत चन्नी यांच्यात सुरू असलेल्या वादात टेलिपोल झाले आहेत.
