अशी चेक करा तुमच्या Android phone ची बॅटरी हेल्थ, वाढवा बॅकअप

अँड्रॉइड फोनची बॅटरी हेल्थ:

सर्व स्मार्टफोनमध्ये बॅटरी हेल्थ आणि तापमान तपासण्याचा पर्याय नाही. अशात काही युजर्सना Third Party Apps ची मदत घ्यावी लागेल. Samsung सारखे काही Android ब्रँड तुम्हाला बॅटरी तपशील जाणून घेण्यासाठी काही पर्याय देतात. परंतु, ते पुरेसे नाहीत. Battery Health आणि तापमानाच्या अचूक माहितीसाठी, तुम्ही Google Play Store वरून Accu Battery App डाउनलोड करावे लागेल. हे App वापरण्यास सोपे आहे आणि बॅटरीशी संबंधित योग्य आणि अचूक माहिती देखील देते.

वाचा: Flipkart Sale: अर्ध्या किमतीत मिळणार iPhone, Samsung सह अनेक ब्रँडेड फोनवरही डिस्काउंट, पाहा डिटेल्स

Accu Battery App:

फोनची बॅटरी फक्त ८० टक्के पर्यंत चार्ज करावी,असा सल्ला कायमच बॅटरी चार्जिंगच्या बाबतीत दिला जातो. कारण, जास्त वेळ पूर्ण चार्ज केल्याने बॅटरीच्या क्षमतेवर परिणाम होतो आणि बॅटरी लवकर खराब होऊ शकते. या अॅपच्या मदतीने तुम्ही हे काम सहजपणे करू शकता आणि तुमच्या फोनच्या बॅटरीचे आरोग्य मॅनेज करू शकता. Accu Battery अॅपवर, तुम्ही बॅटरी चार्जिंग स्तरावर आधारित अलार्म सेट करू शकता. जर तुम्ही ८० टक्के अलार्म सेट केला असेल, तर फोनची बॅटरी ८० टक्के चार्ज झाल्यावर हे अॅप अलार्म सुरू करेल.

App चार्जिंग आणि गेमिंग दरम्यान बॅटरीचे तापमान देखील तपासते आणि तापमान ५० अंशांपेक्षा जास्त झाल्यावर अलर्ट देखील करते. सोबतच App Smartphone च्या बॅटरी आणि चार्जिंगशी संबंधित सर्व तपशील देखील रेकॉर्ड करते. ज्यामुळे तुम्ही तुमच्या बॅटरीचे आरोग्य, चार्जिंगची वेळ आणि तापमान कधीही पाहू शकता. यामध्ये तुम्हाला डीप स्लीप फीचर देखील मिळेल, ज्याच्या मदतीने तुम्ही तुमच्या फोनचा बॅटरी बॅकअप आणखी वाढवू शकता.

वाचा: ३०० रुपयांपेक्षा कमीमध्ये जबरदस्त बेनेफिट्स देणारे प्लान्स, Airtel-Jio-Vi युजर्स पाहा लिस्ट