Airtel ने मारली बाजी, सर्वात आधी 5G सर्विस सुरू, ‘अशी’ ॲक्टिव करा 5G इंटरनेट सेवा


नवी दिल्लीः How To Activate Airtel 5G : एअरटेलने भारतात आपली ५जी सर्विस सुरू केली आहे. १ ऑक्टोबर २०२२ रोजी इंडिया मोबाइल काँग्रेस (IMC 2022) मध्ये पंतप्रधान नरेंद्र मोदी यांनी देशातील ५जी सर्विसचे उद्धाटन केले आहे. या दरम्यान भारती एअरटेलचे चेअरमन सुनील भारती मित्तल यांनी एअरटेलची ५जी सर्विस सुरू करीत असल्याची घोषणा केली आहे. सुनील मित्तल यांनी सांगितले की, १ ऑक्टोबर पासून देशातील पाच प्रमुख शहरात एअरटेल यूजर्स ५जी सेवेचा वापर करू शकतात. जर तुम्हाला ५जी सर्विसचा वापर करायचा असेल तर आम्ही तुम्हाला या ठिकाणी स्टेप बाय स्टेप प्रोसेस सांगत आहोत, जाणून घ्या डिटेल्स.

Airtel 5G सर्वात आधी या शहरात सुरू
एअरटेलची ५जी सेवा १ ऑक्टोबर पासून दिल्ली, मुंबई, वाराणासी, बेंगळुरू, हैदराबाद, चेन्नई आणि सिलिगुरी येथे सुरू करण्यात आली आहे. कंपनीने सध्या थेट लोकेशन किंवा सर्कल संबंधी अद्याप कोणतीही माहिती दिली नाही.

अशी चेक करा Airtel 5G सर्विस
एअरटेलने कन्फर्म केले आहे की, यूजर्स आपल्या जवळपास ५जी नेटवर्कच्या उपलब्धेला ५जी स्मार्टफोनमध्ये एअरटेल थँक्स ॲपच्या मदतीने चेक करू शकतात.

५जीचा वापर का आहे आवश्यक
५जी सेवेचा वापर करण्यासाठी तुमच्या परिसरात ५जी नेटवर्क असणे गरजेचे आहे. एअरटेलकडून आधीच सांगण्यात आले की, सध्या ५जी सर्विस काही ठिकाणी उपलब्ध करण्यात आली आहे. ज्या ठिकाणी ५जी टॉवर इंस्टॉल आहेत. ५जी सेवेचा वापर करण्यासाठी तुम्हाला ५जी कॉम्पटेबल स्मार्टफोनची आवश्यकता लागेल.

Airtel 5G असे ॲक्टिवेट करा

एअरटेल कडून कन्फर्म करण्यात आले की, ४जी सिम ५जी रेडी आहे. त्यामुळे तुम्हाला ५जी सेवेसाठी नवीन सिमकार्ड घेण्याची गरज नाही. आपल्या स्मार्टफोनमधून तुम्ही ५जी अॅक्टिव करू शकतात.

स्टेप पहिलीः ५जी ॲक्टिव करण्यासाठी तुमच्या फोनमधील सेटिंगमध्ये जा.

स्टेप दुसरीः या ठिकाणी कनेक्शन्स किंवा मोबाइल नेटवर्क ऑप्शन दिसेल.

स्टेप तिसरीः या ऑप्शनवर क्लिक करून तुम्ही नेटवर्क मोड 5G/4G/3G/2G निवडण्याचा ऑप्शन दिसेल.

स्टेप चौथीः ५जीला सिलेक्ट केल्यानंतर ऑटोमॅटिक ५जी सर्विस सुरू होईल. तुमच्या परिसरात ५जी नेटवर्क आहे की नाही हेही तुम्हाला दिसेल.

वाचाः स्वस्त किंमतीची OnePlus ची स्मार्टवॉच लाँच, फिटनेस आणि हेल्थला करणार मॉनिटर

वाचाः लिस्ट ठेवा तयार ! येतोय Flipkart Big Dussehra Sale, मिळणार ८० % पर्यंत डिस्काउंट

Source link

Leave a Reply