आधार कार्डच्या मदतीने असा चेक करा बँक बॅलेन्स, पाहा पूर्ण प्रोसेस


नवी दिल्ली:Aadhar Card Tips : गेल्या अनेक वर्षांपासून Aadhar Card ही आपली ओळख बनली असून अनेक महत्वाच्या कामांसाठी आधार कार्डची गरज भासते. भारतीय विशिष्ट ओळख प्राधिकरण (UIDAI) भारतीय नागरिकांना आधार नावाचा १२-अंकी क्रमांक जारी करते, जो त्यांच्या ओळखीचा आणि निवासाचा पुरावा म्हणून काम करतो. नागरिकांचे पत्ते, बायोमेट्रिक डेटा आणि फोन नंबर यांच्याशी लिंक करण्यासोबतच Aadhar card त्यांच्या बँक खात्यांशीही जोडलेले असते. पण, तुम्हाला माहितेय का ? हे कनेक्शन भारतातील नागरिकांना त्यांच्या Aadhar Number शी जोडलेल्या त्यांच्या बँक खात्यातील शिल्लक ऑनलाइन तपासण्याची परवानगी देते.

वाचा: ६४ MP ट्रिपल कॅमेरा, ५००० mAh बॅटरी आणि ६GB रॅमसह येणाऱ्या ‘या’ 5G Smartphones ची किंमत २०,००० रुपयांपेक्षा कमी

आधार क्रमांकाचा वापर करून, नागरिकांना बँकांच्या वेब पोर्टलवर लॉग इन केल्याशिवाय त्यांच्या बँक खात्यातील शिल्लक तपासता येते . जर तुम्हाला आधार लिंक्ड खात्याचा बॅलेन्स तपासायचा असेल, तर तुम्हाला काही स्टेप्स फॉलो कराव्या लागतील.

आधार वापरून Bank Balance तपासा:

इंटरनेट कनेक्शन नसल्यास ही पद्धत विशेषतः उपयुक्त ठरेल. याशिवाय, तुम्ही स्मार्टफोन तसेच फीचर फोनवर तुमची बँक बॅलन्स तपासण्यासाठी याचा वापर करू शकता. यासाठी सर्वप्रथम तुमच्या नोंदणीकृत मोबाईल नंबरवरून *९९*९९*१# डायल करा. त्यानंतर तुमचा १२ अंकी आधार क्रमांक टाका. नंतर तुमचा Aadhar Number Verify करण्यासाठी तो पुन्हा एंटर करा. यानंतर UIDAI तुम्हाला एक फ्लॅश एसएमएस पाठवेल. तो फ्लॅश मेसेज स्क्रीनवर Bank Balance दर्शवेल.

वाचा: TV, Laptop आणि Mobile जबरदस्त स्पीडमध्ये करणार काम, पाहा ५०० रुपयांत येणारे ‘हे’ ब्रॉडबँड प्लान्स

लक्षात घेण्यासारखी गोष्ट म्हणजे आधार युजर्स केवळ १२ अंकी क्रमांक वापरून बँक शिल्लक तपासू शकतात. तसेच, आधार वापरून पैसे पाठवणे, सरकारी अनुदानासाठी अर्ज करणे आणि पॅन कार्डसाठी अर्ज करणे अशा अनेक गोष्टी करू शकतात. तसेच, पॅन कार्डसाठी अर्ज करताना आधार वापरल्याने अनेक कागदपत्रे सबमिट करण्याचा त्रास कमी होतो, कारण त्याचा वापर ओळख आणि पत्त्याचा पुरावा म्हणून केला जाऊ शकतो.

सावध राहणे देखील खूप महत्वाचे:

आधार कार्ड वापरताना तुम्हाला खूप सावध राहण्याची गरज आहे. लक्षात ठेवा आधार कार्डशी संबंधित कोणतीही माहिती तुमच्याकडून फोनवरून कधीही घेतली जात नाही. तुम्हाला OTP बाबतही खूप काळजी घ्यावी लागेल. कारण, जर तुम्ही फोनवर इतरांना तुमचा OTP सांगितला तर तुम्ही एखाद्या स्कॅमला बळी पडू शकता.

वाचा: Aadhar Card सोबत कॅरी करण्याची नाही गरज, फोनमध्येच ‘असे’ करा डाउनलोड, फॉलो करा ही प्रोसेस

Source link

Leave a Reply