Headlines

Aadhaar Card: तुमच्या आधार कार्डशी कोणता मोबाइल नंबर लिंक आहे? या सोप्या प्रोसेसने मिनिटात मिळेल माहिती


नवी दिल्ली : सध्या बँकेत खाते उघडण्यापासून ते शाळेत अ‍ॅडमिशन करण्यापर्यंत प्रत्येक ठिकाणी आधार कार्ड हे महत्त्वाचे कागपत्रं झाले आहे. आधार कार्ड हे सरकारी कागदपत्रं प्रत्येक भारतीय नागरिकाकडे असणे अनिवार्य आहे. सरकारी योजनांचा लाभ घेण्यासाठी देखील आधार कार्ड गरजेचे आहे. परंतु, तुमचा जर मोबाइल नंबर आधारशी लिंक नसल्यास मोठी समस्या निर्माण होते. तुम्ही जवळील आधार केंद्रावर जावून मोबाइल नंबर व आधार लिंक करू शकता. अनेकदा आपल्याला आधार कार्डशी कोणता मोबाइल नंबर लिंक आहे, हे देखील माहित नसते. अशा वेळी तुम्ही अगदी सोप्या प्रोसेसने हे जाणून घेऊ शकता. आधारशी संबंधित कोणतेही काम करण्यासाठी तुमचा मोबाइल नंबर लिंक असणे गरजेचे आहे. UIDAI च्या वेबसाइटवर जावून तुम्ही कोणता नंबर आधारशी लिंक आहे, हे तपासू शकता. या प्रोसेसविषयी सविस्तर जाणून घेऊया.

वाचा: Prepaid Plans: एकही रुपया अतिरिक्त न देता ३ महिने मोफत घ्या Disney+ Hotstar चा आनंद, जिओच्या ‘या’ प्लान्समध्ये मिळेल शानदार बेनिफिट्स

आधार कार्डशी लिंक असलेल्या मोबाइल नंबरबाबत असे घ्या जाणून

  • तुम्हाला जर आधार कार्डशी कोणता मोबाइल नंबर लिंक आहे, हे माहित नसल्यास यूआयडीएआयची अधिकृत वेबसाइट https://uidai.gov.in/ ला भेट द्या.
  • यानंतर साइटवरील ‘माय आधार’ या पर्यायावर क्लिक करा. त्यानंतर ड्रॉप डाउनमध्ये जावून व्हेरिफाय रजिस्टर्ड मोबाइल आणि ईमेल आयडी यावर क्लिक करा.
  • आता तुमच्यासमोर एक स्क्रीन ओपन येईल. येथे तुम्हाला तुमचा मोबाइल नंबर किंवा ईमेल आयडी टाकावा लागेल. येथे ती माहिती भरा, जी व्हेरिफाय करायची आहे.
  • आता तुम्हाला स्क्रीनवर एक कॅप्चा कोड दिसेल, तो भरा. त्यानंतर सेंड ओटीपी या पर्यायावर क्लिक करा.
  • सेंड ओटीपीवर क्लिक केल्यानंतर तुम्ही दिलेला मोबाइल नंबर यूआयडीएआयच्या रेकॉर्डशी जुळत असल्यास त्याबाबतची माहिती स्क्रीनवर दिसेल. जर रेकॉर्डशी जुळत नसल्यास याबाबतची माहिती देखील तुम्हाला स्क्रीनवर मिळेल. अशाप्रकारे, तुम्ही तुमच्या आधार कार्डशी कोणता मोबाइल नंबर लिंक आहे, हे जाणून घेऊ शकता.

वाचा: Ptron Force X10E: स्वस्तात मस्त! भारतीय कंपनीच्या ‘या’ स्मार्टवॉचची दमदार एंट्री; फीचर्स एकदा पाहाच

वाचा: Samsung Galaxy A04s: धुमाकूळ घालायला येतोय सॅमसंगचा ‘हा’ भन्नाट स्मार्टफोन, कमी किंमतीत मिळतील जबरदस्त फीचर्स

Source link

Leave a Reply