Headlines

खानदेश पत्रकार संघाच्या ज्येष्ठ सल्लागार पदी सुनीलकुमार सरनाईक यांची निवड

कोल्हापूर : – करवीर काशी फौंडेशनचे अध्यक्ष,भारत सरकारच्या स्वामी विवेकानंद राष्ट्रीय पुरस्काराचे मानकरी सुनीलकुमार सरनाईक यांची धुळे येथील खानदेश पत्रकार संघाच्या ज्येष्ठ सल्लागार पदी निवड करण्यात आली.संस्थेचे अध्यक्ष प्रभाकर सुर्यवंशी, उपाध्यक्ष महेंद्र येवले, सचिव ज्ञानेश्वर माळी यांनी निवडीचे पत्र दिले.
श्री. सरनाईक हे महाराष्ट्र प्रदेश शासनमान्य जिल्हा वृत्तपत्र संपादक संघ,पुणे या संस्थेचे सरचिटणीस असून महाराष्ट्र वृत्तपत्र संपादक सहकारी संघाचे तज्ज्ञ संचालक आहेत. महाराष्ट्र शासनाने विशेष कार्यकारी अधिकारी पदी त्यांची नियुक्ती केली आहे.
श्री.सरनाईक यांना बाळशास्त्री जांभेकर दर्पण पत्रकार पुरस्काराने, तसेच ज्येष्ठ पत्रकार ग. गो. राजाध्यक्ष पत्रकार पुरस्काराने सन्मानित करण्यात आले आहे. एम.जे.परीक्षेत प्रथम क्रमांकाने उत्तीर्ण झाले बद्दल ज्येष्ठ पत्रकार बापूसाहेब दप्तरदार पारितोषिकाचे ते मानकरी ठरले आहेत. त्यांची माणसं मनातली, रोखठोक, जोतिबा: एक लोकदैवत, ग्राहक जागर, कृपावंत, स्मरणगाथा, महाराष्ट्राच्या पुरोगामी पाऊलखुणा आदी पुस्तके प्रकाशित झाली आहेत.

Leave a Reply